Nitish Kumar With NDA: નીતીશ કુમાર ફરી મોદીની શરણમાં, 28 જાન્યુઆરીએ લેશે મુખ્યમંત્રી પદના શપથ

Nitish Kumar With NDA: નીતીશના જૂના સહયોગી અને બીજેપી નેતા સુશીલ મોદી ડેપ્યુટી સીએમ બની શકે છેઃ સૂત્ર

પટના, 26 જાન્યુઆરીઃ Nitish Kumar With NDA: બે વર્ષ સુધી આરજેડી સાથે ગઠબંધન કર્યા બાદ હવે નીતિશ કુમાર ફરી મોદીની શરણમાં જઈ રહ્યા છે. રાજકીય વર્તુળોમાં એવી ચર્ચા છે કે નીતિશ કુમાર 28મી જાન્યુઆરીએ 9મી વખત મુખ્યમંત્રી પદના શપથ લેશે. સાથે જ તેમના જૂના સહયોગી અને બીજેપી નેતા સુશીલ મોદી ડેપ્યુટી સીએમ બની શકે છે.

બીજી તરફ લાલુ પ્રસાદ યાદવની આરજેડી જાદુઈ આંકડાઓ એકઠા કરવાનો પ્રયાસ કરી રહી છે. કહેવામાં આવી રહ્યું છે કે પાર્ટીએ જીતન રામ માંઝીના પુત્ર સંતોષ માંઝીને ડેપ્યુટી સીએમ પદની ઓફર કરી છે. નીતીશ અને લાલુ વચ્ચેની વાતચીત અટકી ગઈ છે.

આ દરમિયાન આરજેડી નેતા મનોજ ઝાએ કહ્યું કે, મીડિયામાં જે શંકા ચાલી રહી છે તે આપણા માટે પણ એવી જ છે. ગઠબંધનના વડાએ આ શંકા દૂર કરવી પડશે. તેથી, હાથ જોડીને હું મુખ્યમંત્રીને આ શંકાનો ખુલાસો કરવા વિનંતી કરીશ જેથી આ મૂંઝવણ દૂર થાય.

જે નથી આવ્યા તેમને જ પૂછોઃ નીતિશ કુમાર

આજે રાજભવનમાં આયોજિત સરકારી કાર્યક્રમમાં પહોંચેલા મુખ્યમંત્રીને જ્યારે મીડિયાકર્મીઓએ પૂછ્યું કે તેજસ્વી રાજભવન કેમ ન આવ્યા. આના પર તેમણે જવાબ આપ્યો, જે નથી આવ્યા તેમને જ પૂછો. શું ગઠબંધનમાં બધું બરાબર છે? આ સવાલનો જવાબ આપ્યા વિના નીતીશ કુમાર કારમાં બેસીને સીએમ આવાસ તરફ રવાના થઈ ગયા.

આ પણ વાંચો… Rajkot Railway Republic Day: રાજકોટ રેલ્વે ડિવિઝનમાં 75માં પ્રજાસત્તાક દિવસની ઉત્સાહભેર ઉજવણી

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો