Rahul Gandhi Defamation Case: રાહુલ ગાંધીનું સભ્યપદ આ તારીખે પુનઃસ્થાપિત થશે! જાણો…
Rahul Gandhi Defamation Case: સોમવાર અથવા મંગળવાર સુધીમાં રાહુલ ગાંધીનું સભ્યપદ પુનઃસ્થાપિત થાય તેવી શક્યતા
નવી દિલ્હી, 05 ઓગસ્ટઃ Rahul Gandhi Defamation Case: કોંગ્રેસ નેતા રાહુલ ગાંધીને સુપ્રીમ કોર્ટમાંથી મોટી રાહત મળી છે. કોર્ટે મોદી સરનેમ કેસમાં રાહુલ ગાંધીની સજા પર રોક લગાવી દીધી છે. કોર્ટે કહ્યું કે નીચલી કોર્ટના ન્યાયાધીશ દ્વારા મહત્તમ સજા સંભળાવવા માટે કોઈ કારણ આપવામાં આવ્યું નથી. અંતિમ ચુકાદો આવે ત્યાં સુધી દોષિત ઠેરવવાના આદેશ પર સ્ટે મુકવો જરૂરી છે.
નોંધપાત્ર એ પણ છે કે આ કેસમાં રાહુલ ગાંધીને ગુજરાતની સુરત કોર્ટે 23 માર્ચે દોષિત ઠેરવ્યા હતા અને 2 વર્ષની સજા ફટકારી હતી. સજાની જાહેરાતના 24 કલાકની અંદર એટલે કે 24 માર્ચે રાહુલ ગાંધીને સંસદમાંથી અયોગ્ય ઠેરવવામાં આવ્યા હતા.
Rahul Gandhi Defamation Case: હવે જ્યારે સુપ્રીમ કોર્ટે રાહુલ ગાંધીની સજા પર સ્ટે મૂકી દીધો છે, ત્યારે સંસદમાં તેમનું પદ પુનઃસ્થાપિત થવાનો માર્ગ મોકળો થઈ ગયો છે, પરંતુ સૌથી મોટો સવાલ એ છે કે રાહુલ ગાંધીની સંસદમાં સભ્યપદ ક્યારે પુનઃસ્થાપિત થશે?
રાહુલ ગાંધીનું સભ્યપદ ક્યારે પુનઃસ્થાપિત થશે?
સુપ્રીમ કોર્ટના આદેશની નકલ હવે લોકસભા સચિવાલયને મોકલવામાં આવશે. જે બાદ સ્પીકર તેના પર નિર્ણય લેશે. કારણ કે આદેશ સુપ્રીમ કોર્ટનો છે, સ્પીકરે જલ્દી નિર્ણય લેવો પડશે.
સૂત્રોના જણાવ્યા અનુસાર, ચુકાદાની કોપી મળ્યા બાદ જ લોકસભા સચિવાલય આ મામલે કોઈ કાર્યવાહી કરશે. સ્પીકર આ અંગે ચૂંટણી પંચને પણ જાણ કરશે.
સોમવાર અથવા મંગળવાર સુધીમાં રાહુલ ગાંધીનું સભ્યપદ પુનઃસ્થાપિત થાય તેવી શક્યતા છે. રાહુલ ગાંધીએ કેરળની વાયનાડ બેઠક પરથી 2019ની લોકસભા ચૂંટણી જીતી હતી.
આ પણ વાંચો… Jammu-Kashmir Encounter: જમ્મુ-કાશ્મીરમાં સૈનિકો-આતંકવાદીઓ વચ્ચે અથડામણ, આટલા જવાન થયા શહીદ
