MLA Harsh Sandhvi donate X-ray machine: નવી સિવિલ હોસ્પિટલને દાંતના અદ્યતન ઓ.પી.જી. એકસ-રે મશીન અર્પણ કરતા ધારાસભ્ય હર્ષ સંધવી
MLA Harsh Sandhvi donate X-ray machine: રેડિયોલોજી વિભાગને બે અદ્યતન એકસ-રે મશીનો ખરીદવા માટે પોતાની ગ્રાંટ ફાળવવાની જાહેરાત કરતા હર્ષ સંધવી
- સિવિલમાં દાંતની સારવાર માટે આવતા રોજના ૨૫થી વધુ દર્દીઓ માટે મશીન આશીર્વાદરૂપ બનશેઃ હર્ષ સંધવી
અહેવાલ: પરેશ ટાપણીયા
સુરત, ૧૭ ઓગસ્ટ: MLA Harsh Sandhvi donate X-ray machine: રાજય સરકાર દ્વારા નવી સિવિલ હોસ્પિટલના દાંત વિભાગને આપવામાં આવેલું રૂા.૧૮ લાખના ખર્ચે અદ્યતન ઓ. પી. જી. ડિઝીટલ એકસરે મશીનનું ધારાસભ્ય હર્ષ સંધવીએ ઉદ્દધાટન કર્યું હતું. આ પ્રસંગે તેમણે જણાવ્યું હતું કે, સિવિલમાં રોજના ૨૫થી વધુ દાંતના દર્દીઓને આ મશીન થકી અદ્યતન સારવાર ઉપલબ્ધ બનશે.
આ અવસરે ધારાસભ્યએ સિવિલના રેડિયોલોજી વિભાગને બે ડિઝીટલ એકસ-રે મશીન ખરીદવા માટે પોતાની ધારાસભ્યની ગ્રાંટ આપવા ની જાહેરાત કરી હતી. એક એકસ-રે મશીન અંદાજીત રૂા.૧૦ થી ૧૨ લાખની કિંમતનું મળે છે. હવે ધારાસભ્યની ગ્રાંટ મળવાથી સિવિલને બે નવા એકસ-રે મશીનો ઉપલબ્ધ થશે.
MLA Harsh Sandhvi donate X-ray machine: દાંત વિભાગને મળેલા અદ્યતન મશીનથકી દાંતના જડબાનો ચેપ, દાંતનો સડો, ડાપણ ડાધ, રૂટ કેનાલ, અકસ્માતના કિસ્સાઓમાં જડબાને થયેલી ઈજાઓનું ચોક્કસ નિદાન કરી સારવાર માટે આ મશીન અત્યંત ઉપયોગી બનશે. આ ઉપરાંત મ્યુકરમાઈકોસીસના દર્દીઓની સારવાર માટે આ મશીન આશીર્વાદ રૂપ બનશે.
આ પ્રસંગે મેડીકલ કોલેજના ડીન. ડો.ઋુતબરા મહેતા, સિવિલ સુપ્રિન્ટેન્ડન્ટ ડો.ગણેશ ગોલવેલકર, રેડિયોલોજી વિભાગના વડા ડો.પૂર્વી દેસાઈ, આર.એમ.ઓ. કેતન નાયક, ગુજરાત નર્સિગ કાઉન્સીગના ઉપપ્રમુખ ઈકબાલ કડીવાલા, દિનેશ અગ્રવાલ ઉપસ્થિત રહ્યા હતા.