Virat Kohli 76th Century: સદી ફટકારીને વિરાટ કોહલીએ રચ્યો ઈતિહાસ, તોડી નાખ્યા આ 4 મોટા રેકોર્ડ…

Virat Kohli 76th Century: વિરાટે પોર્ટ ઓફ સ્પેનના ક્વીન્સ પાર્ક ઓવલ ખાતે વેસ્ટ ઈન્ડિઝ સામેની બીજી ટેસ્ટમાં તેની 29મી સદી પૂરી કરી

ખેલ ડેસ્ક, 22 જુલાઈઃ Virat Kohli 76th Century: ક્રિકેટની દુનિયામાં કિંગ તરીકે જાણીતા વિરાટ કોહલીની વિદેશી ધરતી પર ટેસ્ટ સદીની રાહનો અંત આવ્યો છે. વિરાટે પોર્ટ ઓફ સ્પેનના ક્વીન્સ પાર્ક ઓવલ ખાતે વેસ્ટ ઈન્ડિઝ સામેની બીજી ટેસ્ટમાં તેની 29મી સદી પૂરી કરી છે. આ ઇનિંગ સાથે વિરાટે ઘણા મોટા રેકોર્ડ પણ બનાવ્યા, આવો જાણીએ તેના વિશે…

સચિન તેંડુલકરે પાછળ છોડી દીધો

વિરાટ કોહલીની કારકિર્દીની આ 76મી આંતરરાષ્ટ્રીય સદી હતી અને આ મામલે સચિન તેંડુલકર 100 સદી સાથે સમગ્ર વિશ્વમાં ટોચ પર છે. ત્યારે તમે વિચારતા હશો કે વિરાટે સચિનને ​​કેવી રીતે પાછળ છોડી દીધો. તો તમને જણાવી દઈએ કે સચિન તેંડુલકરે 500 મેચ બાદ 75 સદી ફટકારી હતી પરંતુ વિરાટ કોહલીએ 500મી મેચ સુધીમાં પોતાની 76 આંતરરાષ્ટ્રીય સદી પૂરી કરી લીધી છે.

લારાને પણ પાછળ છોડી દીધી

ચોથા નંબર પર સૌથી વધુ ટેસ્ટ સદી ફટકારવાના મામલે વિરાટ કોહલીએ બ્રાયન લારાને પાછળ છોડી દીધો છે. લારાએ નંબર 4 પર 24 સદી ફટકારી છે. આ સાથે જ વિરાટ હવે 25 સદી સાથે આ યાદીમાં ચોથા નંબર પર પહોંચી ગયો છે.

આ મામલામાં પણ વિરાટનો રેકોર્ડ મજબૂત છે

વિરાટ કોહલી વેસ્ટ ઈન્ડિઝ સામે સૌથી વધુ સદી ફટકારનાર બેટ્સમેનોના મામલે બીજા નંબર પર પહોંચી ગયો છે. વિરાટે વેસ્ટ ઈન્ડિઝ સામે 12 સદી ફટકારી છે. તે જ સમયે, સુનીલ ગાવસ્કર 13 સદી સાથે આ યાદીમાં ટોચ પર છે.

500મી મેચમાં સદી

એટલું જ નહીં, વિરાટ કોહલી પોતાની કારકિર્દીની 500મી મેચમાં સદી ફટકારનાર વિશ્વનો પ્રથમ ખેલાડી બની ગયો છે. તેની પહેલા દુનિયાનો કોઈ ખેલાડી આ કારનામું કરી શક્યો નથી.

આ પણ વાંચો… Lunar Eclipse 2023: આ તારીખે છે 2023નું છેલ્લું ચંદ્રગ્રહણ, જાણો કોને થશે અસર…

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો