Snow storm kills 34 people in america: અમેરિકામાં બરફના તોફાને મચાવી તબાહી, અત્યાર સુધીમાં અધધ આટલા લોકોના થયા મોત…

Snow storm kills 34 people in america: અમેરિકામાં બરફના તોફાનમાં 34 લોકોના મોત, જાપાનમાં પણ 14 લોકોના થયા મોત…

વોશિંગ્ટન, 26 ડિસેમ્બર: Snow storm kills 34 people in america: ઉત્તર ભારતમાં આ દિવસોમાં કડકડતી ઠંડી પડી રહી છે. પરંતુ માત્ર ભારતમાં જ નહીં પરંતુ અમેરિકા અને જાપાનમાં પણ બરફનું તોફાન સતત તબાહી મચાવી રહ્યું છે. અમેરિકાના મોટાભાગના વિસ્તારોમાં ભારે હિમવર્ષા થઈ રહી છે. સાથે જ ભારે પવનના કારણે લોકોને કડકડતી ઠંડીનો સામનો કરવો પડી રહ્યો છે. અમેરિકામાં બરફના તોફાનના કારણે અત્યાર સુધીમાં 34 લોકોએ જીવ ગુમાવ્યા છે. તે જ સમયે, જાપાનમાં ભારે હિમવર્ષાના કારણે 14 લોકોએ જીવ ગુમાવ્યો છે.

મળતી માહિતી મુજબ તોફાનની ગતિ એટલી છે કે 20 લાખ લોકોના ઘરોની વીજળી ગુલ થઈ ગઈ છે. ઠંડીથી સૌથી વધુ અસર ન્યૂયોર્કમાં બફેલોને થઈ છે. અહીં 43 ઈંચ બરફ પડ્યો છે. જેના કારણે લોકોને રસ્તા પર ચાલવું મુશ્કેલ બની રહ્યું છે. આટલું જ નહીં પાવર સ્ટેશન પર હિમવર્ષાના કારણે પાવર સિસ્ટમ ખોરવાઈ ગઈ છે. અહીં ઠંડીના કારણે 12 લોકોના મોત થયા છે.

સમગ્ર દક્ષિણ અમેરિકા ઠંડીથી ત્રસ્ત છે. ઠંડીએ અહીં ક્રિસમસ અને નવા વર્ષની ઉજવણીમાં ખલેલ પહોંચાડી છે. અહીં લગભગ 5.5 કરોડ લોકો ઠંડીથી પ્રભાવિત થયા છે. નેશનલ વેધર સર્વિસ મુજબ, ફ્લોરિડાના મિયામી, ટેમ્પા, ઓર્લાન્ડો અને વેસ્ટ પામ બીચ પર 25 ડિસેમ્બરે 1983 પછીનું સૌથી ઓછું તાપમાન નોંધાયું હતું. તે જ સમયે, ન્યૂયોર્કમાં ઘણી જગ્યાએ ક્રિસમસ પર ભારે ભીડ જોવા મળી હતી.

બફેલોમાં તમામ પ્રકારની પરિવહન સુવિધાઓને અસર થઈ હતી. અહીં ટ્રેન અને હવાઈ મુસાફરી રદ કરવી પડી હતી. ભારે હિમવર્ષાના કારણે રસ્તાઓ પણ બંધ રહ્યા હતા. ફ્લાઈટ ટિકિટ વેબસાઈટ FlightAware અનુસાર, શનિવારે લગભગ 4,000 ફ્લાઈટ્સ મોડી પડી હતી. ત્યાં, 2000 ફ્લાઇટ્સ રદ કરવામાં આવી હતી.

આ પણ વાંચો: Winter in mount abu: માઉન્ટ આબુમાં છવાઈ બરફની ચાદર, પારો ગગડીને માઇનસમાં પહોંચ્યો…