Hey God: તારે સુખ દુ:ખ જે કંઈ આપવું હોય તે આપી શકે છે…
Hey God: વાસ્તવિકતાથી હું મોં ફેરવી લઉં એ ટેવ નથી મારી,
તકવાદીની તકલીફ સહી લઉં એ ટેવ નથી મારી.
તારે સુખ દુ:ખ જે કંઈ આપવું હોય તે આપી શકે છે,
તને ફરિયાદ કરવાની જિંદગી એ ટેવ નથી મારી.
લહેરોની વચ્ચે હાલક ડોલક થતી નાવમાં બેસીને,
કિનારે આવીને મોતી હું ગ્રહી લઉં એ ટેવ નથી મારી.
ઉદાસીને ગમગીન ચહેરા પરથી વાંચ્યા પછી પણ,
બેસી રહેવું જાત સાથે મૌન ધરી એ ટેવ નથી મારી.
સમયે સમયે ઉકેલ આવે છે જિંદગીનો ‘રાહગીર’-
વહેમના વહાણથી સફર કરવી એ ટેવ નથી મારી.
