Sonam Kapoor invitation from UK PM: સોનમ કપૂરને મળ્યું યુકેના પીએમ ઋષિ સુનકનું આમંત્રણ, વાંચો વિગતે…
Sonam Kapoor invitation from UK PM: સોનમ કપૂરને યુનાઇટેડ કિંગડમના વડા પ્રધાન- ઋષિ સુનક દ્વારા UK-ભારત સપ્તાહ 2023ની ઉજવણી માટે તેમના રિસેપ્શન માટે આમંત્રણ આપવામાં આવ્યું
મનોરંજન ડેસ્ક, 28 જૂનઃ Sonam Kapoor invitation from UK PM: બોલિવૂડ એક્ટ્રેસ સોનમ કપૂર પોતાની સુંદરતા સિવાય ઘણી વખત તેની ફિલ્મોને લઈને ચર્ચામાં રહે છે, પરંતુ માતા બન્યા બાદ તે આ દિવસોમાં સિલ્વર સ્ક્રીનથી દૂર છે. આ પછી પણ, અભિનેત્રી તેની ફેશન સેન્સ માટે ચાહકોમાં હેડલાઇન્સ બનાવતી રહે છે. અભિનેત્રી હાલમાં તેના પુત્ર વાયુ અને પતિ આનંદ આહુજા સાથે લંડનમાં પોતાનો બધો ક્વોલિટી ટાઈમ વિતાવી રહી છે.
તાજેતરમાં, અભિનેત્રીએ જ્યારે કિંગ ચાર્લ્સ III ના રાજ્યાભિષેક સમારોહમાં ભાષણ આપ્યું ત્યારે તેણે ઘણી હેડલાઇન્સ બનાવી હતી. હવે ફરી એકવાર સોનમને તાજેતરમાં યુકેના વડાપ્રધાન ઋષિ સુનકના રિસેપ્શન માટેનું આમંત્રણ મળ્યું છે.
સોનમ કપૂરને મળ્યું આમંત્રણ
સોનમ કપૂરને યુનાઇટેડ કિંગડમના વડા પ્રધાન- ઋષિ સુનક દ્વારા UK-ભારત સપ્તાહ 2023ની ઉજવણી માટે તેમના રિસેપ્શન માટે આમંત્રણ આપવામાં આવ્યું છે. રિસેપ્શનનું આયોજન ઋષિ દ્વારા તેમના સત્તાવાર નિવાસસ્થાન અને ઓફિસ 10 ડાઉનિંગ ખાતે કરવામાં આવ્યું છે. આ ફેસ્ટિવલ 26 જૂનથી 30 જૂન દરમિયાન લંડનમાં યોજાઈ રહ્યો છે.
સોનમ 28 જૂને રિસેપ્શનમાં હાજરી આપશે.એવું કહેવામાં આવી રહ્યું છે કે અઠવાડિયા સુધી ચાલનારી આ ઈવેન્ટમાં રાજકારણ, બિઝનેસ, બિઝનેસ સસ્ટેનેબિલિટી, ઈન્કલુઝન જેવા ઘણા મહત્વના વિષયો પર પ્રકાશ ફેંકવાનું પ્લેટફોર્મ મળશે.
આ કાર્યક્રમનો ઉદ્દેશ્ય બંને દેશો વચ્ચે લાંબા સમયથી ચાલી રહેલી ભાગીદારીને સન્માનિત કરવાનો અને મજબૂત કરવાનો પ્રયાસ કરવાનો રહેશે. સોનમની આ સિદ્ધિ જોઈને તેના ફેન્સ પણ ખૂબ જ ઉત્સાહિત થઈ ગયા છે. સોશિયલ મીડિયા પર યુઝર્સ પણ સોનમને આ આમંત્રણ બદલ અભિનંદન આપી રહ્યા છે.
સોનમ કપૂર નું વર્ક ફ્રન્ટ
વર્ક ફ્રન્ટની વાત કરીએ તો સોનમ ટૂંક સમયમાં ફિલ્મ ‘બ્લાઈન્ડ’માં જોવા મળશે. આ ફિલ્મનું નિર્દેશન શોમ માખીજા એ કર્યું છે. આ ફિલ્મમાં પુરબ કોહલી, વિનય પાઠક અને લિલેટ દુબે પણ મહત્વની ભૂમિકામાં છે. સોનમની ફિલ્મનો ફર્સ્ટ લૂક આઉટ થઈ ગયો છે, જેને ચાહકો તરફથી સારો પ્રતિસાદ મળી રહ્યો છે.
આ પણ વાંચો… Taliban rule in Afghanistan: અફઘાનિસ્તાનમાં લોહિયાળ સાબિત થયું તાલિબાની શાસન! અત્યાર સુધી આટલા નાગરિકોના મોત
