Controversy over ramcharit manas in bihar: રામચરિત માનસના મુદ્દે RJDમાં વિભાજન, શિક્ષણ મંત્રીની હાજરીમાં શિવાનંદ અને જગદાનંદ ઝઘડ્યા

Controversy over ramcharit manas in bihar: બિહારના શિક્ષણમંત્રી દ્વારા રામચરિત માનસ પર આપેલા વિવાદાસ્પદ નિવેદનથી ખળભળાટ

નવી દિલ્હી, 13 જાન્યુઆરી: Controversy over ramcharit manas in bihar: બિહારના શિક્ષણ મંત્રી ચંદ્રશેખરે રામચરિત માનસ પર આપેલા વિવાદાસ્પદ નિવેદનથી ખળભળાટ મચી ગયો છે. આન પર હવે તેમની જ હાજરીમાં આરજેડીના પ્રદેશ અધ્યક્ષ અને રાષ્ટ્રીય ઉપાધ્યક્ષ એકબીજા સાથે ઝઘડ્યા. તેમના નિવેદન પર ભાજપે પણ ચંદ્રશેખર પર પ્રહારો કર્યા છે. હવે આરજેડીમાં પણ વિવાદ થઈ રહ્યો છે. પાર્ટીની બેઠકમાં આ મુદ્દે ચર્ચા થવાની વાત ઉઠી છે.

રાષ્ટ્રીય જનતા દળ એટલે કે RJD રાજ્ય કાર્યાલયમાં શિક્ષણ મંત્રી ચંદ્રશેખર અને પ્રદેશ અધ્યક્ષ જગદાનંદ સિંહની સામે જ પાર્ટીના રાષ્ટ્રીય ઉપાધ્યક્ષ શિવાનંદ તિવારીએ રામચરિત માનસ પર આપવામાં આવેલા નિવેદન પર ભારે નારાજગી વ્યક્ત કરી છે. જગદાનંદ અને શિવાનંદ તિવારી થોડીવાર માટે ઝઘડતા દેખાયા. આ દરમિયાન ચંદ્રશેખર શાંતિથી બેસી રહ્યા. જો કે ત્યાં હાજર અન્ય આગેવાનોએ વાતાવરણ હળવું કરવાનો પ્રયાસ કર્યો.

આરજેડીના રાષ્ટ્રીય ઉપાધ્યક્ષ શિવાનંદ તિવારીએ જગદાનંદ સિંહના સ્ટેન્ડનો વિરોધ કર્યો છે. તેમણે આરજેડીના પ્રદેશ અધ્યક્ષની સામે કહ્યું કે રામચરિત માનસ પર પાર્ટીનું વલણ પાર્ટીની બેઠકમાં નક્કી થશે. તે બેઠકમાં તેજસ્વી યાદવ પણ હાજર રહેશે. શિવાનંદ તિવારીએ કહ્યું કે રામાયણ પુસ્તક માત્ર નફરત ફેલાવે છે, તેથી હું અંગત રીતે તેની સાથે નથી. અમને નથી લાગતું કે પાર્ટીએ એવો વિચાર કર્યો છે કે પાર્ટી તેને સમર્થન આપે.

તેમણે કહ્યું કે ‘આવુ ક્યાંય થયું નથી, પાર્ટીની અંદર કોઈ મહત્ત્વપૂર્ણ નિર્ણય લેવામાં આવે છે, તો આ નિર્ણય બેઠકમાં જ લેવો જોઈએ. અમે પણ પાર્ટીના રાષ્ટ્રીય ઉપાધ્યક્ષ છીએ. તેજસ્વી યાદવ પણ તે બેઠકમાં હોવા જોઈએ અને તે બેઠકમાં નક્કી થવું જોઈએ કે આ મામલે પાર્ટીનું વલણ શું હોવું જોઈએ.’ તિવારીએ કહ્યું કે ‘બાબા સાહેબ આંબેડકરે મનુસ્મૃતિ બાળી હતી. જો ચંદ્રશેખરજીનું માનવું છે કે તેમાં શુદ્રો અને સ્ત્રીઓ વિશે આવી વાતો છે તો તેમને વિરોધ કરવાનો અધિકાર છે.’

બિહારના શિક્ષણ મંત્રી ચંદ્રશેખરે બુધવારે કહ્યું હતું કે રામાયણ પર આધારિત એક મહાકાવ્ય હિંદુ ધર્મ પુસ્તક રામચરિતમાનસ સમાજમાં નફરત ફેલાવે છે. તેમના દાવા બાદ વિવાદ ઉભો થયો હતો. નાલંદા ઓપન યુનિવર્સિટીના 15મા દીક્ષાંત સમારોહમાં વિદ્યાર્થીઓને સંબોધતા તેમણે રામચરિતમાનસ અને મનુસ્મૃતિને સમાજમાં ભાગલા પાડનારા પુસ્તકો ગણાવ્યા હતા.

આ પણ વાંચો: Surendranagar railway station: સુરેન્દ્રનગર રેલવે સ્ટેશન ખાતે ચાર પેસેન્જર લિફ્ટ સુવિધાનું થયું લોકાર્પણ

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો