ED Raids: બેંક લોનના ફ્રોડમાં મની લોન્ડરિંગ કેસમાં ગુજરાત સહિત આ રાજ્યોમાં ઇડીના દરોડા- વાંચો વિગત
ED Raids: 750 કરોડ રૂપિયાના બેંક લોનના ફ્રોડમાં મની લોન્ડરિંગના કેસમાં ઇડી દ્વારા આ દરોડા પાડવામાં આવ્યા હતા
નવી દિલ્હી, 24 ફેબ્રુઆરીઃ ED Raids: ઇડીએ ગુજરાત, ઉત્તર પ્રદેશ અને હરિયાણામાં દરોડા પાડયા હતા. 750 કરોડ રૂપિયાના બેંક લોનના ફ્રોડમાં મની લોન્ડરિંગના કેસમાં ઇડી દ્વારા આ દરોડા પાડવામાં આવ્યા હતા. રોડ કન્સ્ટ્રક્શન અને ટોલ પ્લાઝાના સંચાલન સાથે સંકળાયેલી કંપની સામે કાર્યવાહી ચાલી રહી છે.
ઉલ્લેખનીય છે કે, વર્ષ 2012 થી 2016 દરમિયાન આશરે ૭૫૦ કરોડ રૂપિયાના લોન ફ્રોડમાં આ તપાસ હાથ ધરાઇ રહી છે. ઇડીએ ઉત્તર પ્રદેશના લખનઉ, ગોરખપુર અને નોઇડામાં દરોડા પાડયા હતા. જ્યારે ગુજરાતમાં અમદાવાદમાં તપાસ કરવામાં આવી હતી. તેવી જ રીતે હરિયાણાના ગુરુગ્રામમાં ઇડીની ટીમ પહોંચી હતી.
ગંગોત્રી નામની કંપની રોડ બાંધકામ તેમજ ટોલ પ્લાઝાને ઓપરેટ કરવાનું કામ સંભાળે છે. આ ઉપરાંત અન્ય સરકારી કોન્ટ્રાક્ટ સાથે પણ સંકળાયેલી છે. ગયા વર્ષે નવેમ્બર મહિનામાં કંપનીની 72 કરોડ રૂપિયાની સંપત્તિ જપ્ત કરાઇ હતી.