Mukhtar Ansari sentenced: માફિયા મુખ્તાર અંસારીને 10 વર્ષની સજા, વાંચો શું છે મામલો…
Mukhtar Ansari sentenced: મુખ્તાર અંસારીને 10 વર્ષની સજા સાથે પાંચ લાખનો દંડ ફટકારવામાં આવ્યો
નવી દિલ્હી, 29 એપ્રિલઃ Mukhtar Ansari sentenced: ગાઝીપુરની એમપી-એમએલએ કોર્ટે માફિયા મુખ્તાર અંસારીને લઈને મોટો નિર્ણય સંભળાવ્યો છે. વાસ્તવમાં, કોર્ટે માફિયા મુખ્તાર અંસારીને 10 વર્ષની જેલની સજા સંભળાવી છે. એટલું જ નહીં માફિયા પર પાંચ લાખનો દંડ પણ ફટકારવામાં આવ્યો છે. હાલ મુખ્તારના ભાઈ અને બસપાના સાંસદ અફઝલ અન્સારી પર કોર્ટનો નિર્ણય આવ્યો નથી.
આ મામલે નિર્ણય 15 એપ્રિલે જ આવવાનો હતો. પરંતુ જજ રજા પર હોવાના કારણે આ શક્ય બન્યું ન હતું. આવી સ્થિતિમાં નિર્ણય માટે આજની તારીખ નક્કી કરવામાં આવી હતી. વર્ષ 2007ના આ કેસમાં 1 એપ્રિલે ચર્ચા અને સુનાવણી પૂર્ણ થઈ હતી અને 15 એપ્રિલે નિર્ણય આવવાનો હતો.
જાણો શું છે સમગ્ર મામલો…
જણાવી દઈએ કે અફઝલ અંસારી, મુખ્તાર અંસારી વિરુદ્ધ ગેંગસ્ટર એક્ટ હેઠળ MP/ MLA કોર્ટમાં ચાલી રહેલા આ કેસમાં બીજેપી ધારાસભ્ય કૃષ્ણાનંદ રાય હત્યા કેસ ગેંગ ચાર્ટમાં સામેલ છે. જ્યારે નંદકિશોર રૂંગટાના અપહરણ અને હત્યાનો કેસ પણ ગેંગના ચાર્ટમાં સામેલ છે.
29 નવેમ્બર, 2005ના રોજ, ગાઝીપુરના ભંવરકોલ પોલીસ સ્ટેશન વિસ્તાર હેઠળના સિયાડી ગામમાં એકે-47 જેવા અત્યાધુનિક હથિયારોથી 400 થી વધુ રાઉન્ડ ફાયરિંગ કરીને ભાજપના ધારાસભ્ય કૃષ્ણાનંદ રાય સહિત સાત લોકોની હત્યા કરવામાં આવી હતી. જ્યારે સાત લોકોના મૃતદેહોને પોસ્ટમોર્ટમ માટે BHU લાવવામાં આવી રહ્યા હતા, ત્યારે બીજેપી ધારાસભ્યના સમર્થકો ઉશ્કેરાયા હતા અને વિવિધ સ્થળોએ તોડફોડ અને હિંસા થઈ હતી.
આ પણ વાંચો… Sita Navami 2023: આજે ઉજવવામાં આવી રહી છે સીતા નવમી, જાણો પૂજા પદ્ધતિ વિશે…
