Ram Mandir Pran Pratishtha: કોંગ્રેસે રામ મંદિર પ્રાણ પ્રતિષ્ઠામાં ભાગ લેવાનો ઇનકાર કર્યો
Ram Mandir Pran Pratishtha: કાર્યક્રમમાં સોનિયા ગાંધી અને મલ્લિકાર્જુન ખડગે સહિત કોઈ કોંગ્રેસી નેતા અયોધ્યા જશે નહીં
અમદાવાદ, 10 જાન્યુઆરીઃ Ram Mandir Pran Pratishtha: રામ મંદિરના અભિષેકને લઈને મોટા સમાચાર સામે આવી રહ્યા છે. વાસ્તવમાં દેશની સૌથી જૂની પાર્ટી કોંગ્રેસે આ કાર્યક્રમમાં ભાગ લેવાની ના પાડી દીધી છે. પાર્ટીએ એક નિવેદન જારી કરીને કહ્યું છે કે રામ મંદિર પ્રાણ પ્રતિષ્ઠા કાર્યક્રમ માટેના આમંત્રણને સન્માનપૂર્વક ફગાવી દેવામાં આવ્યું છે.
પ્રાપ્ત માહિતી અનુસાર, 22 જાન્યુઆરીએ યોજાનાર આ કાર્યક્રમ માટે સોનિયા ગાંધી અને મલ્લિકાર્જુન ખડગે સહિત કોઈપણ કોંગ્રેસી નેતા અયોધ્યા જશે નહીં. કોંગ્રેસના મહાસચિવ જયરામ રમેશે આ વિશે કહ્યું કે, આપણા દેશમાં લાખો લોકો ભગવાન રામની પૂજા કરે છે.
તેમણે કહ્યું કે ધર્મ એ વ્યક્તિગત બાબત છે, પરંતુ RSS/BJP એ લાંબા સમયથી અયોધ્યામાં મંદિરને રાજકીય પ્રોજેક્ટ બનાવી રાખ્યું છે. તેમણે વધુમાં કહ્યું કે, અધૂરા મંદિરનું ઉદ્ઘાટન સ્પષ્ટપણે ભાજપ અને આરએસએસના નેતાઓ દ્વારા ચૂંટણીના લાભ માટે કરવામાં આવી રહ્યું છે.
