Padmini Ekadashi 2023: આજે છે અધિક માસની અગિયારસ, જાણો પૂજા વિધિ અને ઉપાય…

Padmini Ekadashi 2023: અધિક માસના શુક્લ પક્ષની એકાદશીને પદ્મિની એકાદશી કહેવામાં આવે છે

ધર્મ ડેસ્ક, 29 જુલાઈઃ Padmini Ekadashi 2023: આમ એક વર્ષમાં કુલ 24 એકાદશીઓ આવે છે, પરંતુ અધિક માસમાં એકાદશીઓની સંખ્યા વધી જાય છે. આ વખતે અધિક માસને કારણે કુલ 26 એકાદશી હશે. અધિક માસના શુક્લ પક્ષની એકાદશીને પદ્મિની એકાદશી કહેવામાં આવે છે. તેનું પાલન કરવાથી યજ્ઞ, ઉપવાસ અને તપસ્યાનું ફળ મળે છે. જીવનનું સૌથી મોટું સંકટ ટળી જાય છે. આ વખતે પદ્મિની એકાદશી 29 જુલાઈ શનિવાર એટલે કે આજે છે.

પદ્મિની એકાદશી પર શુભ યોગ

આ વર્ષે પદ્મિની એકાદશી પર બે ખૂબ જ શુભ યોગ બની રહ્યા છે. આ દિવસે બ્રહ્મા અને ઈન્દ્ર યોગ રહેશે. બ્રહ્મયોગ 28 જુલાઈના રોજ સવારે 11.56 વાગ્યાથી 29 જુલાઈના રોજ સવારે 09.34 વાગ્યા સુધી રહેશે. આ પછી ઈન્દ્ર યોગ 29 જુલાઈના રોજ સવારે 09.34 વાગ્યાથી 30 જુલાઈના રોજ સવારે 06.33 વાગ્યા સુધી રહેશે.

પદ્મિની એકાદશીની પૂજા વિધિ

પદ્મિની એકાદશીના દિવસે સવારે સ્નાન કરીને પૂજા કરવાનો સંકલ્પ લેવો. દિવસભર ભગવાન વિષ્ણુ અને શિવની પૂજા કરો. રાત્રે ચાર પ્રહરની પૂજા કરો. પહેલા પહોરમાં નારિયેળથી ભગવાનની પૂજા કરો. બીજા પહોરમાં બીલીપત્રથી ભગવાનની પૂજા કરો. ત્રીજા પહોરમાં સીતાફળથી ભગવાનની પૂજા કરો. ચોથા પહોરમાં નારંગી અને સોપારીથી ભગવાનની પૂજા કરો. બીજા દિવસે સવારે ભગવાન વિષ્ણુની પૂજા કર્યા પછી ગરીબોને અન્ન અને કપડાંનું દાન કરો.

પદ્મિની એકાદશી પર સંતાન પ્રાપ્તિનો ઉપાય

પદ્મિની એકાદશી પર સંતાન પ્રાપ્તિ માટે પતિ-પત્નીએ સાથે મળીને ભગવાન કૃષ્ણની પૂજા કરવી જોઈએ. ભગવાનને પીળા ફૂલ અને પીળા ફળ અર્પણ કરો. આ પછી તમે બને તેટલો “ॐ क्लीं कृष्णाय नमः” નો જાપ કરો. પછી ભગવાનને સંતાન પ્રાપ્તિ માટે પ્રાર્થના કરો. પતિ-પત્નીએ ચઢાવેલું ફળ પ્રસાદ તરીકે ગ્રહણ કરવું જોઈએ

આ પણ વાંચો…. Health Care Excellence Award: અમદાવાદ સિવિલ મેડીસીટીની ત્રણ સંસ્થાઓને ચાર હેલ્થ કેર એક્સલન્સ એવોર્ડ પ્રાપ્ત થયા

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો