Kiit University: ટાઇમ્સ વર્લ્ડ યુનિવર્સિટી રેન્કિંગ્સ 2023માં KIITની નોંધપાત્ર આગેકૂચ
Kiit University: ગત વર્ષ કરતા વધુ સારું પ્રદર્શન કરીને, ‘કિટ’ આ વર્ષે દેશનાં પૂર્વ વિસ્તાર અને ઓડિશાની યુનિવર્સિટીઓમાં પ્રથમ સ્થાન મેળવ્યું છે
ભુવનેશ્વર, 13 ઓક્ટોબર: Kiit University: KIIT ડીમ્ડ યુનિવર્સિટીએ ટાઇમ્સ હાયર એજ્યુકેશન ‘વર્લ્ડ યુનિવર્સિટી રેન્કિંગ્સ’ 2023માં નોંધપાત્ર રીતે આગેકૂચ જાળવી રાખી છે. ગયા વર્ષે 801-1001ની સરખામણીએ આ વખતે 601-800માં સ્થાન મેળવ્યું છે. ગુણવત્તાયુક્ત શિક્ષણ, સંશોધન પ્રવૃત્તિઓ અને તેની વૈશ્વિક પ્રતિષ્ઠામાં સતત વૃદ્ધિ પર તેના સતત ધ્યાનને પ્રતિબિંબિત કરે છે.
લંડનસ્થિત જૂથ દ્વારા યોગ્ય સમયે યુનિવર્સિટીઓના નવા રેન્કિંગ જાહેર કરવામાં આવે છે. આ વર્ષે KIIT સિલ્વર જ્યુબિલી વર્ષની ઉજવણી કરે છે અને તેની શૈક્ષણિક સિદ્ધિઓ દર્શાવવા માટે કાર્યક્રમોની યોજના ધરાવે છે ત્યારે નોંધપાત્ર રેન્કિંગ પ્રાપ્ત થયું છે. આ રેન્કિંગ દર્શાવે છે કે KIIT એ માત્ર ઓડિશામાં જ નહીં પરંતુ પૂર્વ ભારતમાં પણ અન્ય સંસ્થાઓ કરતાં ઘણું સારું પ્રદર્શન કર્યું છે. ટાઈમ્સ વર્લ્ડ યુનિવર્સિટી રેન્કિંગ્સને શૈક્ષણિક જગત દ્વારા ખૂબ જ ધ્યાનમાં લેવામાં આવે છે, જેમાં ઉચ્ચ શિક્ષણ મેળવવા માટે તેમની પસંદગીની સંસ્થા પસંદ કરનારા વિદ્યાર્થીઓનો સમાવેશ થાય છે.
આ પણ વાંચોઃ PM Kisan Samman Nidhi Yojana Update : દિવાળી પહેલા PM મોદી આપશે ખેડૂતોને મોટી ભેટ- જાણો વિગત
KIITની સિદ્ધિઓને શૈક્ષણિક જગતમાં ઘણા લોકો દ્વારા બિરદાવવામાં આવી છે, જેણે ઘણી પ્રતિષ્ઠિત સંસ્થાઓની સરખામણીના પ્રમાણમાં નવી યુનિવર્સિટી હોવા છતાં, પોતાને નામાંકિત યુનિવર્સિટીઓના જૂથમાં સ્થાન મેળવ્યું છે. KIITને ટૂંકાગાળામાં વૈશ્વિક પ્રતિષ્ઠિત સંસ્થા બનાવવા માટે, તેના સ્થાપક ડૉ. અચ્યુતા સામંતાના અથાક પ્રયાસો અને યુનિવર્સિટીની કાયાપલટ માટે દૂરંદેશી નેતૃત્વની પ્રશંસા કરી છે. ટાઈમ્સ હાયર એજ્યુકેશન દ્વારા યુનિવર્સિટીઓને રેન્ક આપવા માટે શિક્ષણ પર્યાવરણ, સંશોધન, આંતરરાષ્ટ્રીય દૃષ્ટિકોણ અને ઔદ્યોગિક આવકને ધ્યાનમાં લેવામાં આવી હતી.
2020માં માત્ર 56 અને 2017માં માત્ર 31 ભારતીય યુનિવર્સિટીઓની સરખામણીએ આ વર્ષે ભારતમાંથી 75 સંસ્થાઓએ રેકોર્ડ સંખ્યામાં વિશ્વ રેન્કિંગમાં પોતાનું સ્થાન મેળવ્યું છે. ડૉ. સામંતાએ જણાવ્યું હતું કે આ ઉત્કૃષ્ટ રેન્કિંગ અહીંના ફેકલ્ટી, વિદ્યાર્થીઓ અને કર્મચારીઓના સામૂહિક પ્રયાસોનું પરિણામ છે, જોકે આ સફળતાનો શ્રેય KIIT પરિવારે તેમને આપ્યો છે. કેમ્પસમાં 2023ના પરિણામોની ખૂબ ચર્ચા થઈ રહી છે. શિક્ષણ મંત્રાલયના નેશનલ ઇન્સ્ટિટ્યૂટ ઑફ રેન્કિંગ ફ્રેમવર્ક (NIRF) દ્વારા તાજેતરમાં KIITને ભારતની 20મી શ્રેષ્ઠ યુનિવર્સિટી જાહેર કરવામાં આવી હતી.
