મોટા સમાચારઃ DCGIએ બાળકો માટે આ વેક્સિનના બીજા અને ત્રીજા ક્લિનિક્લ ટ્રાયલને આપી મંજૂરી- વાંચો સંપૂર્ણ વિગત
નવી દિલ્હી, 13 મેઃ કોરોના વધતા પ્રકોપ વચ્ચે સારા સમાચાર આવ્યા છે. ડ્રગ કંટ્રોલર જનરલ ઓફ ઈન્ડિયા (DCGI) એ ભારત બાયોટેકની કોરોના રસી કોવેક્સીનની 2થી 18 વર્ષની ઉંમરના બાળકો પર બીજા/ત્રીજા ફેઝની ટ્રાયલ માટે મંજૂરી આપી દીધી છે. ભારત બાયોટેક 525 વોલેન્ટિયર્સ પર રસીની ટ્રાયલ કરશે.
DCGI: ભારત બાયોટેક તરફથી આ ટ્રાયલ 525 વોલેન્ટિયર્સ પર કરવામાં આવશે. આ ટ્રાયલ 2થી લઈને 18 વર્ષ સુધીના બાળકો પર ફેઝ 2 અને 3 હેઠળ કરાશે. ટ્રાયલ દરમિયાન પહેલો અને બીજો વેક્સીન ડોઝ 28 દિવસના અંતરે આપવામાં આવશે. આ જોતા હવે વર્ષના અંત સુધીમાં બાળકો માટે કોરોના રસી ઉપલબ્ધ થાય તેવી સંભાવના જોવા મળી રહી છે.
ઉલ્લેખનીય છે કે, ભારતમાં હાલ કોરોનાની બીજી લહેરનો પ્રકોપ છે. આ લહેરે દેશની સ્વાસ્થ્ય સિસ્ટમને હચમચાવી નાખી છે. ચારેબાજુ તબાહી જોવા મળી રહી છે. આવામાં એક્સપર્ટ્સે ચેતવણી આપી છે કે ભારતમાં હજુ કોરોનાની ત્રીજી લહેર પણ આવશે અને આ લહેરમાં બાળકો પર સૌથી વધુ અસર જોવા મળી શકે છે.
આ પણ વાંચો….