Ambaji breaking: પાન્સા ગામની હદમાં ઉભેલી સ્કોર્પિયો કારમાં આગ ભડકી, કારના માલિકની શોધ ચાલુ
Ambaji breaking: પાન્સા ગામની હદમાં ઉભેલી સ્કોર્પિયો કારમાં આગ ભડકી ઉઠવાથી આ ઘટના બની
અહેવાલઃ ક્રિશ્ના ગુપ્તા
અંબાજી, 11 ઓગષ્ટઃ Ambaji breaking: અવારનવાર હાઇવે પર અક્સ્માતની ઘટના સામે આવે છે. તાજેતરમાં જ પવિત્ર યાત્રા ધામ અંબાજી નજીક સ્કોર્પિયો કારમાં આગ લાગવાની ઘટના બની છે. પાન્સા ગામની હદમાં ઉભેલી સ્કોર્પિયો કારમાં આગ ભડકી ઉઠવાથી આ ઘટના બની છે.
એસ્સાર પેટ્રોલ પંપ આગળ રોડ ઉપર કારમાં આગ લાગી હતી. ઘટના સ્થળ ઉપર ધુમાડાના ગોટે ગોટા ઉડવા લાગ્યા હતા. પરંતુ કોઇ જાનહાનીના સમાચાર નહીં હજી સુધી આવ્યા નથી.
અંબાજી મંદિરના ફાયર ફાયટરએ આગને કાબૂમાં લીધી, પરંતુ કાર બળી ખાક થઇ ગઇ છે. ઉભેલી કાર પાસે કોઈ મુસાફર ન હતું. બીનવારસી ઉભેલી કાર પર પ્રેસ લખેલું જોવા મળ્યું સ્કોર્પિઓ કાર નંબર જીજે 9 બીબી 4059 છે. કારના માલિકની શોધ ચાલી રહી છે.
