જીભના રંગથી જાણોઃ તમારું સ્વાસ્થ્ય કેવું છે?
હેલ્થ ડેસ્ક, 22 ડિસેમ્બરઃજીભ તમને સ્વાદનો અનુભ કરાવે છે. તેની માત્ર સ્વાદ પર જ પકડ નથી, પરંતુ તમારા સ્વાસ્થ્યથી જોડાયેલા રાઝ પણ તે જાણે છે. જી હાં, જીભના રંગના આધાર પર તમે જાણી શકો છો કે, તમારું સ્વાસ્થ્ય સારુ છે કે નથી. જીભ પર પીળા રંગનું લેયર ખાવા, પીવા તેમજ ધૂમ્રપાન કરવાથી બને છે. પરંતુ ઘણી વખત જીભનો રંગ લાલ, કાળો થઈ જાય છે. તમારી ડાયટ ઉપરાંત અધુરી ઊંઘ, બીમારી, બેક્ટેરિયાના કારણે પણ જીભનો રંગ બદલાઈ જાય છે. સ્વસ્થ જીભનો રંગ લાઈટ ગુલાબી હોય છે, જો કે, જીભ પર સફેદ લેયર હોવું નોર્મલ માનવામાં આવે છે. આવો જાણીએ જીભના રંગથી કેવી રીતે જાણી શકાય છે સ્વાસ્થ્ય વિશે…
- જીભ પર જામેલ પીળા રંગનું લેયર આ વાતનો સંકેત કરે છે કે તમે ઓવરઇટિંગ કરી રહ્યાં છો. આ ઉપરાંત ડાઇઝેશન, લિવર અથવા મોઢામાં બેકટેરિયા વધારે હોવાથી જીભ પર પીળા રંગનું લેયર જામી જાય છે. તેના કાણે મોઢામાંથી દુર્ગંધ, થાક લાગવો તેમજ તાવ આવી શકે છે.
- ક્યારેક ભુલથી પણ જીભ કપાઈ જાય, સુકો અથવા તીખો ખોરાક લેવાના કારણે મોઢામાં ચાંદા પડી જાય છે. તેની અવગણના ના કરો કેમ કે, અઠવાડીયાથી વધારે ચાંદા રહે તો તે અલ્સરનું રૂપ લઈ શકે છે. જો કારણ વગર ચાંદા પડે છે તો તે હોર્મોન્સના અસંતુલનના સંકેત હોઈ શકે છે.
- વધુ કેફીન, ધૂમ્રપાન અથવા દારૂના સેવનથી જીભ બ્રાઉન રંગની થઈ જાય છે. જો કે, તેની અવગણના કરવાની જગ્યાએ ડોક્ટરની સલાહ લેવી જોઇએ.
- જીભ પર કાળા ડાઘ પડવા શરીરમાં લોહીની ઘટ, ડાયાબિટીસની તરફ સંકેત કરે છે. આ ઉપરાંત મોઢામાં બે કટેરિયા વધારે હોવાના કારણે પણ જીભ પર કાળા રંગના ડાઘ પડે છે.
- એનિમિયા, લાલ તાવને કારણે જીભનો રંગ ઘાટો લાલ થઈ જાય છે. આ ઉપરાંત વિટામિન B12ની ઉણપના સંકેત પણ હાઈ શકે છે. તે જ સમયે જો જીભની નીચેનો ભાગ ઘાટો લાલ થઈ જાય તો પછી સમજવું કે આંતરડામાં ગરમી વધી છે.
આ પણ વાંચો…
સાપ્તાહિક રાશિફળ: જાણો આ અઠવાડિયે કોની રાશિ શું કહે છે?