Gujarat HC on morbi bridge accident: મોરબી બ્રિજ અકસ્માત કેસમાં ગુજરાત હાઈકોર્ટે નગરપાલિકાને લગાવી ફટકાર, જાણો શું કહ્યું…

Gujarat HC on morbi bridge accident: કોર્ટે મોરબી બ્રિજના સમારકામ માટેનું ટેન્ડર બહાર ન પાડવા અંગે પૂછ્યાં સવાલો

અમદાવાદ, ૧૫ નવેમ્બર: Gujarat HC on morbi bridge accident: ગુજરાત હાઈકોર્ટે મંગળવારે મોરબી બ્રિજ અકસ્માત કેસમાં બ્રિજની જાળવણી માટે જે રીતે કોન્ટ્રાક્ટ આપવામાં આવ્યો હતો તેની ટીકા કરી હતી. કોર્ટે પોતાના આદેશમાં કહ્યું કે એવું લાગે છે કે આ અંગે કોઈ ટેન્ડર બહાર પાડ્યા વિના રાજ્યની ઉદારતા રાખવામાં આવી હતી.

મુખ્ય ન્યાયાધીશ અરવિંદ કુમારે મુખ્ય સચિવને પૂછ્યું કે સાર્વજનિક પુલના સમારકામ માટે ટેન્ડરો કેમ બહાર પાડવામાં આવ્યાં નથી અને બિડ શા માટે આમંત્રિત કરવામાં આવી ન હતી? કોર્ટે મોરબી પાલિકાને પણ ફટકાર લગાવી હતી. કોર્ટે કહ્યું કે નોટિસ છતાં તે કોર્ટમાં આવ્યા નથી.”

મોરબી નગરપાલિકાએ અજંતા બ્રાન્ડ વોલ ક્લોક માટે જાણીતા ઓરેવા ગ્રુપને 15 વર્ષનો કોન્ટ્રાક્ટ આપ્યો હતો. કોર્ટે કહ્યું, “મ્યુનિસિપાલિટી, જે એક સરકારી સંસ્થા છે, તેણે ભૂલ કરી છે, જેમાં 135 લોકોના મોત થયા છે. શું ગુજરાત મ્યુનિસિપાલિટી એક્ટ, 1963નું પાલન કરવામાં આવ્યું હતું.”

સુનાવણી દરમિયાન કોર્ટે કહ્યું હતું કે, “આટલા મહત્વપૂર્ણ કામ માટે માત્ર દોઢ પેજમાં કરાર કેવી રીતે પૂરો થયો? શું અજંતા કંપનીને કોઈપણ ટેન્ડર વિના રાજ્યની ઉદારતા આપવામાં આવી?” કોર્ટે પોતે આ દુર્ઘટનાની નોંધ લીધી હતી અને ઓછામાં ઓછા છ વિભાગો પાસેથી જવાબ માંગ્યો હતો. ચીફ જસ્ટિસ અરવિંદ કુમાર અને જસ્ટિસ આશુતોષ જે શાસ્ત્રી આ કેસની સુનાવણી કરી રહ્યા છે.

આ પણ વાંચો: Okha-gorakhpur express route change: ઓખા-ગોરખપુર એક્સપ્રેસ આંશિક રીતે ડાઈવર્ટ કરાયેલા રૂટ પર દોડશે