Teesta setalvad Case Update:અરજી પર સુનાવણી કરતા સુપ્રીમ કોર્ટે ગુજરાત સરકારને તિસ્તા સેતલવાડ સામેની એફઆઈઆરનો આધાર પૂછ્યો
Teesta setalvad Case Update: ગુજરાત પોલીસે 25 જૂને તિસ્તા સેતલવાડ, પૂર્વ IPS સંજીવ ભટ્ટ અને ભૂતપૂર્વ DGP આરબી શ્રીકુમાર વિરુદ્ધ કેસ નોંધ્યો હતો
ગાંધીનગર, 01 સપ્ટેમ્બરઃ Teesta setalvad Case Update: ગુજરાત રમખાણોના કેસમાં પુરાવા સાથે છેડછાડ અને છેતરપિંડી કરવાના આરોપમાં જેલમાં રહેલા કાર્યકર્તા તિસ્તા સેતલવાડને હજુ પણ જામીન મળ્યા નથી. પરંતુ તેમની અરજી પર સુનાવણી કરતા સુપ્રીમ કોર્ટે ગુજરાત સરકારને તિસ્તા સેતલવાડ સામેની એફઆઈઆરનો આધાર પૂછ્યો છે. કોર્ટે કહ્યું કે તિસ્તા સેતલવાડ પર આઈપીસીની સામાન્ય કલમો હેઠળ કેસ દાખલ કરવામાં આવ્યો છે અને તે એક મહિલા છે. આવી સ્થિતિમાં તેઓ રાહત મેળવવાના અધિકાર છે. કોર્ટે કહ્યું કે તિસ્તા સેતલવાડ લગભગ બે મહિનાથી કસ્ટડીમાં છે, પરંતુ તેમની સામે કોઈ ગંભીર કેસ નથી. આ અંગે સરકાર તરફથી હાજર રહેલા એડવોકેટ તુષાર મહેતાએ જણાવ્યું હતું કે જામીન પર વિચાર કરતા પહેલા સુપ્રીમ કોર્ટે હાઈકોર્ટનો નિર્ણય પણ જોવો જોઈએ.
કોર્ટે શુક્રવારે પણ કેસની સુનાવણી ચાલુ રાખવાનો નિર્ણય કર્યો છે. ગુજરાત પોલીસે 25 જૂને તિસ્તા સેતલવાડ, પૂર્વ IPS સંજીવ ભટ્ટ અને ભૂતપૂર્વ DGP આરબી શ્રીકુમાર વિરુદ્ધ કેસ નોંધ્યો હતો. તે પહેલા 24 જૂને સુપ્રીમ કોર્ટે ઝાકિયા જાફરીની અરજી ફગાવી દીધી હતી, જેમાં તેમણે ગુજરાત રમખાણો દરમિયાન નરેન્દ્ર મોદીને આપવામાં આવેલી ક્લીનચીટ પર સવાલ ઉઠાવ્યા હતા. આ સાથે કોર્ટે કેટલીક આકરી ટિપ્પણીઓ પણ કરી હતી. તેના એક દિવસ બાદ જ ગુજરાત પોલીસે તિસ્તા સેતલવાડ સામે કેસ દાખલ કર્યો હતો. ઝાકિયા જાફરીને કેસ લડવામાં તિસ્તા સેતલવાડે ટેકો આપ્યો હતો.
આ પણ વાંચોઃ An additional sleeper coach: ગાંધીધામ-વિશાખાપટ્ટનમ એક્સપ્રેસ ટ્રેનમાં એક વધારાનો સ્લીપર કોચ ઉમેરવામાં આવશે
ધરપકડ બાદ તિસ્તા સેતલવાડે અમદાવાદ કોર્ટમાં અરજી કરી હતી, જ્યાંથી જામીન મળી શક્યા ન હતા. ત્યારબાદ તેમણે ગુજરાત હાઈકોર્ટમાં અરજી કરી, જેણે નોટિસ જાહેર કરી અને આગામી સુનાવણી માટે 19 સપ્ટેમ્બરની તારીખ રાખી હતી. ત્યારબાદ તિસ્તા સેતલવાડે જામીન મેળવવા માટે સુપ્રીમ કોર્ટમાં અરજી કરી હતી. હવે જો કોર્ટ તુષાર મહેતાની દલીલ સ્વીકારે અને ગુજરાત હાઈકોર્ટના નિર્ણયની રાહ જુએ તો તિસ્તાએ પણ જામીન માટે રાહ જોવી પડશે.
કેસની સુનાવણી કરતી વખતે જસ્ટિસ યુયુ લલિતની બેન્ચે કહ્યું, ‘આ મામલામાં અમારી સામે શું છે તે સિવાય તમે સુપ્રીમ કોર્ટના નિર્ણયના બીજા જ દિવસે કેસ નોંધ્યો છે. ચુકાદાના એક દિવસમાં કેસ દાખલ કરવામાં આવ્યો હતો. તમારી પાસે એવી સુવિધા હતી કે તમે કસ્ટડીમાં લઈ પૂછપરછ કરી લેતા. આ હત્યાનો કે વિશેષ કલમો હેઠળનો કેસ નથી, જેમાં જામીન નકારવામાં આવ્યા હોય. કોર્ટે એમ પણ કહ્યું હતું કે તિસ્તા સેતલવાડ એક મહિલા છે અને મહિલા આરોપી CrPCની કલમ 437 હેઠળ ન્યાય માટે હકદાર છે. અમે અહીં જાણવા માંગીએ છીએ કે તેની સામે એફઆઈઆરનો આધાર શું છે અને તેની સામે અત્યાર સુધી કઈ કઈ બાબતો મળી છે.
