Today Ind vs pak match Asia Cup 2022: આજે ભારત અને પાકિસ્તાન વચ્ચે ક્રિકેટ મેચનો ખરાખરીનો જંગ જામશે
Today Ind vs pak match Asia Cup 2022: બંને ટીમો ખિતાબ જીતવા માટે પ્રબળ દાવેદાર માનવામાં આવે છે અને આ મેચ જીતનારી ટીમ ટ્રોફી જીતવાની દિશામાં મહત્વપૂર્ણ પગલું
સ્પોર્ટ્સ ડેસ્ક, 28 ઓગષ્ટઃ Today Ind vs pak match Asia Cup 2022: એશિયા કપ 2022થી શરૂ થઈ રહ્યો છે. પ્રથમ મેચ શ્રીલંકા અને અફઘાનિસ્તાન વચ્ચે છે, પરંતુ બીજી મેચ આ ટૂર્નામેન્ટમાં સૌથી મહત્વપૂર્ણ માનવામાં આવે છે, જેમાં ભારતનો મુકાબલો પાકિસ્તાન સાથે થશે. આ બંને ટીમો ખિતાબ જીતવા માટે પ્રબળ દાવેદાર માનવામાં આવે છે અને આ મેચ જીતનારી ટીમ ટ્રોફી જીતવાની દિશામાં મહત્વપૂર્ણ પગલું ભરશે. જોકે, શ્રીલંકા અને અફઘાનિસ્તાનની ટીમો પણ ફરક પાડવાની ક્ષમતા ધરાવે છે. હોંગકોંગનું તાજેતરનું ફોર્મ પણ શાનદાર છે.
બેટિંગ એ ભારતીય ટીમનું સૌથી મજબૂત પાસું છે. આ ટીમની બોલિંગ અને ફિલ્ડિંગ પણ શાનદાર છે. આ કારણે ભારતને ટાઈટલ જીતવા માટે સૌથી પ્રબળ દાવેદાર માનવામાં આવી રહ્યું છે. ભારતીય ટીમમાં, કેપ્ટન રોહિત શર્મા ઝડપી શરૂઆત આપે છે અને હાર્દિક પંડ્યા સાથે સૂર્યકુમાર યાદવ મિડલ ઓર્ડરમાં અજાયબી કરે છે. દિનેશ કાર્તિક પણ યોગ્ય રીતે મેચ પૂરી કરી રહ્યો છે. ટીમના સ્પિન બોલરો પણ અદ્દભૂત છે અને દુબઈની ધીમી પીચોનો લાભ લઈ શકે છે.
જસપ્રીત બુમરાહ અને હર્ષલ પટેલના બહાર થયા બાદ ભારતની ઝડપી બોલિંગ નબળું પાસું બની ગયું છે. ભુવનેશ્વર કુમાર એકમાત્ર અનુભવી ઝડપી બોલર છે. અર્શદીપ અને અવેશ ખાનનું પ્રદર્શન પણ શાનદાર રહ્યું છે, પરંતુ બંને પાસે અનુભવનો અભાવ છે. આવી સ્થિતિમાં આ બોલરો મોટી મેચમાં દબાણમાં આવી શકે છે. ભારતને લક્ષ્યનો બચાવ કરવામાં મુશ્કેલી પડી શકે છે.
ભારતીય ટીમ
રોહિત શર્મા (કેપ્ટન), કેએલ રાહુલ, વિરાટ કોહલી, સૂર્યકુમાર યાદવ, ઋષભ પંત, દીપક હુડા, દિનેશ કાર્તિક, હાર્દિક પંડ્યા, રવિન્દ્ર જાડેજા, આર અશ્વિન, યુઝવેન્દ્ર ચહલ, રવિ બિશ્નોઈ, ભુવનેશ્વર કુમાર, અર્શદીપ સિંહ, અવેશ ખાન.
અવેજી ખેલાડીઓઃ શ્રેયસ અય્યર, અક્ષર પટેલ, દીપક ચહર.
સ્ટાર ખેલાડી
ભારતીય ટીમ સ્ટાર ખેલાડીઓથી ભરેલી છે, પરંતુ હાલમાં સૂર્યકુમાર યાદવ અને હાર્દિક પંડ્યા શાનદાર ફોર્મમાં છે. તમામની નજર આ બે ખેલાડીઓ પર રહેશે. આ સિવાય યુઝવેન્દ્ર ચહલ અને અર્શદીપ સિંહ પણ અજાયબી કરી શકે છે.(સોર્સઃ ન્યુઝ રીચ)
આ પણ વાંચોઃ PM meet mother heeraba: ગઇકાલે રાત્રે વડાપ્રધાન ગયા માતા હીરા બાને મળવા, લીધા આશીર્વાદ