Turkey Earthquake update: તુર્કી-સીરિયામાં ભૂકંપના કારણે હજારો લોકોના મોત, ફસાયેલા લોકોને બચાવવાનું કામ ચાલુ…
Turkey Earthquake update: ભૂકંપના કારણે તુર્કી અને સીરિયામાં 4000 લોકોના મોત થયા
નવી દિલ્હી, 07 ફેબ્રુઆરી: Turkey Earthquake update: તુર્કી અને સીરિયામાં આવેલા ભૂકંપોએ ભારે તબાહી મચાવી છે. ભૂકંપના કારણે તુર્કી અને સીરિયામાં અત્યાર સુધીમાં 4000 લોકોના મોત થયા છે. આજે સવારે પણ ભૂકંપના જોરદાર આંચકા અનુભવાયા હતા. સેંકડો લોકો ઘાયલ થયા હોવાનું કહેવાય છે. હાલમાં ફસાયેલા લોકોને બચાવવાનું કામ ચાલી રહ્યું છે.
મીડિયા રિપોર્ટ્સ અનુસાર, ભારત સહિત વિશ્વના ઘણા દેશોમાંથી રાહત સામગ્રી રવાના કરવામાં આવી છે. ભૂકંપના કારણે અત્યાર સુધીમાં તુર્કીમાં 2921 અને સીરિયામાં 1444 લોકોના મોત થયા છે. મૃતકોની સંખ્યામાં વધારો થવાની પ્રબળ શક્યતા છે. પહેલો ભૂકંપ સીરિયાની સરહદે આવેલા તુર્કીના ગાઝિયનટેપ પ્રાંતની નજીક આવેલા નુરદાગીમાં આવ્યો હતો. બીજો ભૂકંપ અકિનોઝાહુમાં આવ્યો હતો, જે કહરામનમારસ નજીક છે અને ત્રીજો ભૂકંપ ગોકસાનમાં આવ્યો હતો, જે તે જ પ્રાંતમાં આવે છે.
તમને જણાવી દઈએ કે આ વિનાશક ભૂકંપ બાદ રાષ્ટ્રપતિ રેસેપ તૈયપ એર્દોગન દ્વારા સાત દિવસનો રાષ્ટ્રીય શોક જાહેર કરવામાં આવ્યો છે. આ સમય દરમિયાન સમગ્ર દેશમાં અને અન્ય દેશોમાં તેના દૂતાવાસોમાં તુર્કીના ધ્વજ અડધી ઝુકાવવામાં આવશે. અહીં 24 કલાકમાં ઘણી વખત ભૂકંપના આંચકા અનુભવાયા છે, જેના પછી લોકોમાં ગભરાટનો માહોલ છે.
આ પણ વાંચો: Bhagwat katha in ambaji: અંબાજી મંદિરના ચાચરચોકમાં લગભગ 25 વર્ષ બાદ ફરીએક વાર ભાગવત કથાનો પ્રારંભ
