Filing incometax returns:આ ઉંમરથી ઉપરના નાગરિકો માટે રાહતના સમાચાર, ઇનકમ ટેક્સ રિટર્ન ફાઇલ કરવા માટે મળી આ છૂટ

Filing incometax returns: વરિષ્ઠ નાગરિકોએ આ ફોર્મ બેંકોમાં જમા કરાવવાનું રહેશે. નાણાકીય વર્ષ 2021-22 ના બજેટમાં, 75 વર્ષ અને તેથી વધુ ઉંમરના વરિષ્ઠ નાગરિકો માટે ટેક્સ રિટર્ન ભરવામાંથી મુક્તિ માટે જોગવાઈ રજૂ કરવામાં આવી છે

બિઝનેસ ડેસ્ક, 08 સપ્ટેમ્બર: Filing incometax returns: આવકવેરા વિભાગે (Income Tax Department) નાણાકીય વર્ષ 2021-22 માટે 75 વર્ષથી વધુ ઉંમરના વરિષ્ઠ નાગરિકોને આવકવેરા રિટર્ન ફાઇલ કરવાની છૂટ માટે ઘોષણા ફોર્મ સૂચિત કર્યું છે. વરિષ્ઠ નાગરિકોએ આ ફોર્મ બેંકોમાં જમા કરાવવાનું રહેશે. નાણાકીય વર્ષ 2021-22 ના બજેટમાં, 75 વર્ષ અને તેથી વધુ ઉંમરના વરિષ્ઠ નાગરિકો માટે ટેક્સ રિટર્ન ભરવામાંથી મુક્તિ માટે જોગવાઈ રજૂ કરવામાં આવી છે જેમને પેન્શન આવક અને એક જ બેંકમાં ફિક્સ્ડ ડિપોઝિટ (એફડી) પર વ્યાજ મળે છે. આ વરિષ્ઠ નાગરિકોને 1 એપ્રિલથી શરૂ થતા નાણાકીય વર્ષ માટે આવકવેરા રિટર્ન ભરવાની જરૂર રહેશે નહીં.

કેન્દ્રીય પ્રત્યક્ષ કર બોર્ડ (CBDT) એ આવા વરિષ્ઠ નાગરિકો માટે નિયમો અને ઘોષણા ફોર્મ(Filing incometax returns) જાહેર કર્યા છે. વરિષ્ઠ નાગરિકોએ આ ફોર્મ બેંકમાં જમા કરાવવાનું રહેશે, જે પેન્શન અને વ્યાજની આવક પર ટેક્સ કાપીને સરકારમાં જમા કરાવશે. આવકવેરો ભરવાની મુક્તિ તે કેસોમાં ઉપલબ્ધ થશે જ્યાં વ્યાજ આવક તે જ બેંકમાંથી પ્રાપ્ત થાય જેમાં પેન્શન જમા થાય છે.

આ પણ વાંચોઃ Fake ghee: કણભા પોલીસે લાખો રૂપિયાના નકલી ઘીનો જથ્થો ઝડપી પાડયો, 3 વ્યક્તિની ધરપકડ કરી

આવકવેરા કાયદા હેઠળ, નિર્દિષ્ટ મર્યાદાથી વધુ કમાતા તમામ લોકોએ રિટર્ન ફાઇલ કરવું પડશે. વરિષ્ઠ નાગરિકો (60 વર્ષ કે તેથી વધુ) અને અત્યંત વરિષ્ઠ નાગરિકો (80 વર્ષ અને તેથી વધુ) માટે આ મર્યાદા થોડી વધારે છે. ટેક્સ રિટર્ન ન ભરવાથી પેનલ્ટી લાગે છે તેમજ સંબંધિત વ્યક્તિએ વધારાના સ્રોત પર કર કપાત (ટીડીએસ) ચૂકવવો પડે છે

75 વર્ષ અને તેથી વધુ ઉંમરના વરિષ્ઠ નાગરિકોને અનુપાલનનો બોજ ઘટાડવા માટે બજેટમાં કેટલીક રાહત આપવામાં આવી છે. નાણામંત્રી નિર્મલા સીતારમણે 2021-22 માટે પોતાના બજેટ ભાષણમાં કહ્યું હતું કે આઝાદીની 75 મી વર્ષગાંઠ નિમિત્તે સરકાર 75 વર્ષ કે તેથી વધુ ઉંમરના વરિષ્ઠ નાગરિકો પર પાલનનો બોજ ઘટાડશે