Hindenburg Research: હિંડનબર્ગના ટ્વીટએ વધાર્યો પારો; ફરી અદાણી કે હવે નવો શિકાર!
Hindenburg Research: હિંડનબર્ગે અદાણી ગ્રૂપ અંગેના અહેવાલ બાદ નવો રિપોર્ટ લાવવાનો સંકેત આપ્યો
બિજનેસ ડેસ્ક, 23 માર્ચ: Hindenburg Research: હિંડનબર્ગે અદાણી ગ્રૂપ અંગેના અહેવાલ બાદ નવો રિપોર્ટ લાવવાનો સંકેત આપ્યો છે. શોર્ટ સેલિંગ ફર્મે માહિતી આપી છે કે ટૂંક સમયમાં બીજો રિપોર્ટ આવી રહ્યો છે અને તેમાં મોટો ખુલાસો કરવામાં આવશે. માલૂમ હોય કે, હિંડનબર્ગે 24 જાન્યુઆરીના રોજ અદાણી ગ્રૂપ પર એક રિપોર્ટ રજૂ કર્યો હતો, જેમાં ઘણા આક્ષેપો કરવામાં આવ્યા હતા.
અદાણી ગ્રૂપ પર હિંડનબર્ગ રિપોર્ટ બાદ ગૌતમ અદાણીની સંપત્તિ $150 બિલિયનથી ઘટીને $53 બિલિયન થઈ ગઈ હતી. ફોર્બ્સની અમીરોની યાદીમાં તે ત્રીજા સ્થાનેથી 35મા નંબરે પહોંચી ગયો હતો. તે જ સમયે, ગૌતમ અદાણીના જૂથને 120 અબજ ડોલરનું નુકસાન સહન કરવું પડ્યું હતું.
હિન્ડેનબર્ગના નિશાના પર કોણ હશે?
ગૌતમ અદાણીની પેઢી પર મોટો ખુલાસો કર્યા બાદ હવે હિંડનબર્ગે વધુ એક મોટો ખુલાસો કરવાના સંકેત આપ્યા છે. હિંડનબર્ગે ટ્વિટ કરીને આ અંગેની માહિતી આપી છે અને કહ્યું છે કે ટૂંક સમયમાં એક નવો રિપોર્ટ આવી રહ્યો છે અને આ રિપોર્ટ ઘણા મોટા ખુલાસા કરી શકે છે. કંપનીના ટ્વિટ પછી જ ઘણા લોકો વિચારી રહ્યા છે કે તે શું હશે. તેણે સમગ્ર વિશ્વમાં ઉત્સુકતા જગાવી છે. ઘણા લોકો એવું અનુમાન કરી રહ્યા છે કે તે અમેરિકન બેંકો વિશે છે.
અદાણી ગ્રુપને મોટું નુકસાન થયું હતું
આ સમાચાર ટ્વિટર પર જોરદાર ઘમાસાન જામ્યું છે. એક યુઝરે ટ્વિટર પર લખ્યું કે એવી અપેક્ષા છે કે આ કોઈ અન્ય ભારતીય કંપની વિશે નહીં હોય. યુઝર્સે ચીની કંપની પર રિપોર્ટ કરવાનું સૂચન કર્યું છે.
આ પણ વાંચો: Rishi sunak news: શું ફેલ થઈ ગયા ઋષિ સુનક? બ્રિટનમાં સ્થિતિ વધુ ગંભીર