Bihar Politics Crisis: ફરી એકવાર પક્ષપલટો કરશે નીતીશ કુમાર! બેઠકોનો રાઉન્ડ શરૂ

Bihar Politics Crisis: નીતિશ કુમાર ગમે ત્યારે ભાજપમાં જોડાઈ શકે તેવી શક્યતાઓ વ્યક્ત કરવામાં આવી રહી

પટના, 25 જાન્યુઆરીઃ Bihar Politics Crisis: બિહારના રાજકીય વર્તુળોમાં હલચલ વધુ તેજ થઈ ગઈ છે. હકીકતમાં, નીતીશ કુમારની જેડીયુ અને લાલુ યાદવની આરજેડી વચ્ચેનો ટકરાવ સતત વધી રહ્યો છે. આવી સ્થિતિમાં નીતિશ કુમાર ગમે ત્યારે ભાજપમાં જોડાઈ શકે તેવી શક્યતાઓ વ્યક્ત કરવામાં આવી રહી છે. જો કે હજુ સ્પષ્ટપણે કંઈ કહી શકાય તેમ નથી.

પ્રાપ્ત માહિતી અનુસાર, JDUના વરિષ્ઠ નેતા લલન સિંહ, વિજય કુમાર ચૌધરી અને અન્ય નેતાઓ મુખ્ય પ્રધાન નીતિશ કુમાર સાથે પટનામાં તેમના ઘરે બેઠક કરી રહ્યા છે. બીજી તરફ આરજેડી સુપ્રીમો લાલુ પ્રસાદ યાદવે વિધાનસભા અધ્યક્ષ અવધ બિહારી ચૌધરી સાથે પણ વાત કરી છે. સૂત્રોના જણાવ્યા અનુસાર આ રાજકીય સંકટ વચ્ચે ભાજપના રાષ્ટ્રીય અધ્યક્ષ જેપી નડ્ડા અને વિનોદ તાવડે પણ અમિત શાહને મળવા તેમના ઘરે પહોંચ્યા છે.

ભાજપના ધારાસભ્યના દાવાથી હોબાળો વધી ગયો

આ દરમિયાન ભાજપના ધારાસભ્ય જ્ઞાનેન્દ્ર સિંહ જ્ઞાનુએ મોટો દાવો કર્યો છે. જ્ઞાનેન્દ્ર સિંહ જ્ઞાનુએ કહ્યું કે નીતીશ 2 થી 3 દિવસમાં ભાજપમાં જોડાશે. વાટાઘાટો સારી રીતે આગળ વધી છે. પીએમ મોદી અને નીતિશ કુમાર બંને એકસરખા વિચારે છે. પીએમ મોદી પોતે નથી ઈચ્છતા કે નીતિશ તેમનાથી દૂર રહે. સ્થિતિ ગમે તે હોય, નીતિશ ભાજપ સાથે આવવાના છે.

શા માટે થયો હંગામો?

જણાવી દઈએ કે લાલુ યાદવની પુત્રી રોહિણી આચાર્યએ આજે ​​પોતાના એક્સ એકાઉન્ટ પર એક પછી એક ત્રણ પોસ્ટ કરી છે. જેના કારણે બિહારના રાજકારણમાં ખળભળાટ મચી ગયો હતો. મામલો એટલો વધી ગયો કે ખુદ મુખ્યમંત્રી નીતીશ કુમારે લાલુ યાદવની પુત્રીના પોસ્ટની માહિતી માંગી. જ્યારે મામલો વધી ગયો, ત્યારે રોહિણીએ કોઈ ખુલાસો આપ્યા વિના ચૂપચાપ તેની પોસ્ટ્સ કાઢી નાખી.

આ પણ વાંચો… Bhavnagar-Okha Train Stoppage: હવે આ સ્ટેશન પર પણ ઉભી રહેશે ભાવનગર-ઓખા એક્સપ્રેસ ટ્રેન

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો