Buldhana Accident News: મહારાષ્ટ્રના સમૃદ્ધિ એક્સપ્રેસ વે પર થયો ભયાનક માર્ગ અકસ્માત, ઘણા લોકોએ જીવ ગુમાવ્યા

Buldhana Accident News: અકસ્માતમાં ઘાયલ 07 લોકોને તબીબી સારવાર માટે હોસ્પિટલમાં દાખલ કરવામાં આવ્યા છે

મુંબઈ, 01 જુલાઈઃ Buldhana Accident News: મહારાષ્ટ્રના બુલઢાણામાં એક ભયાનક રોડ અકસ્માતમાં 26 લોકોના મોત થયા છે. શુક્રવાર-શનિવારની રાત્રે સર્જાયેલા અકસ્માતમાં ઘાયલ 07 લોકોને તબીબી સારવાર માટે હોસ્પિટલમાં દાખલ કરવામાં આવ્યા છે. આ અકસ્માત બુલઢાણા જિલ્લાના દુસરબીડ અને સિંદખેડ રાજા વચ્ચે પિંપલખુટા શિવાર ખાતે સમૃદ્ધિ હાઈવે પર થયો હતો.

પોલીસ અને સ્થળ પર હાજર લોકોના જણાવ્યા અનુસાર, નાગપુરથી ઔરંગાબાદ રૂટ પર, બસ પહેલા જમણી બાજુના લોખંડના પોલ સાથે અથડાઈ અને પછી બે લેન વચ્ચેના કોંક્રિટ ડિવાઈડર સાથે અથડાઈને બેકાબૂ થઈ ગઈ અને પલટી ગઈ.

બસ ડાબી બાજુએ પલટી ગઈ, જેના લીધે બસનો દરવાજો નીચે દબાઈ ગયો. આ કારણે લોકો માટે બહાર નીકળવાનો કોઈ રસ્તો બચ્યો નથી. અકસ્માત બાદ બસનું ઘણું ડીઝલ રોડ પર ફેલાઈ ગયું છે, જેથી ડીઝલની ટાંકી ફાટી અથવા ડીઝલ ટાંકીમાંથી એન્જિન સુધી સપ્લાયની પાઇપ ફાટી અને બસમાં આગ લાગી હોવાની આશંકા છે.

જે લોકો બચી ગયા તેમના જણાવ્યા મુજબ, ફક્ત તે જ લોકો બચ્યા જેઓ હાથ વડે બારીના કાચ તોડીને બહાર નીકળવામાં સફળ રહ્યા. બસમાં 33 મુસાફરો હતા, પોલીસે 26 મૃતદેહ બહાર કાઢ્યા છે. ત્યાં 7 લોકો બચી ગયા. જે મૃતદેહોને બસમાંથી બહાર કાઢવામાં આવ્યા છે તે બળી ગયા છે. જેના કારણે મૃતકોની ઓળખ કરવી મુશ્કેલ છે.

બસનું ટાયર ફાટ્યું હતું- ડ્રાઈવર

બુલઢાણા ડેપ્યુટી એસપી બાબુરાવ મહામુનીએ જણાવ્યું હતું કે, બુલઢાણામાં સમૃદ્ધિ મહામાર્ગ એક્સપ્રેસ વે પર 32 મુસાફરોને લઈને જતી બસમાં આગ લાગવાથી ઓછામાં ઓછા 26 લોકોના મોત થયા હતા અને ઘણા લોકો ઘાયલ થયા હતા. ઘાયલોને બુલઢાણા સિવિલ હોસ્પિટલમાં ખસેડવામાં આવી રહ્યા છે.

એસપી સુનીલ કડાસેને (SP Sunil Kadasne) જણાવ્યું કે બસમાં કુલ 33 લોકો સવાર હતા, જેમાંથી 26 લોકોના મોત થયા અને 7 લોકો ઘાયલ થયા. બસનો ડ્રાઈવર બચી ગયો અને કહ્યું કે ટાયર ફાટ્યા બાદ બસ પલટી ગઈ, જેના કારણે બસમાં આગ લાગી.

આ પણ વાંચો… Gandhidham New RTO: અંજાર, ગાંધીધામ, રાપર અને ભચાઉ તાલુકાના વાહનોને નવી ઓળખ મળશે

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો