Growth rate of Global Economy: અજય બંગાના વર્લ્ડ બેંકના પ્રમુખ બનતા જ ભારતને ફટકો, રિપોર્ટ વાંચીને ચીન આનંદથી કૂદી પડ્યું

Growth rate of Global Economy: વૈશ્વિક અર્થવ્યવસ્થાના વિકાસ દરમાં મોટો ઘટાડો થવાની સંભાવના: રિપોર્ટ

નવી દિલ્હી, 08 જૂનઃ Growth rate of Global Economy: ભારતીય મૂળના અજય બંગા એ વર્લ્ડ બેંકના વડા તરીકે પોતાનો કાર્યકાળ શરૂ કરી દીધો છે. તેઓ આ પદ પર પાંચ વર્ષ સુધી સેવા આપશે. તેઓ વિશ્વ બેંકના અધ્યક્ષ બન્યા બાદ વૈશ્વિક વિકાસ દર અંગે એક અંદાજ બહાર પાડવામાં આવ્યો છે.

રિપોર્ટમાં આ વર્ષે વૈશ્વિક અર્થવ્યવસ્થાના વિકાસ દરમાં મોટો ઘટાડો થવાની સંભાવના વ્યક્ત કરવામાં આવી છે. રિપોર્ટમાં કહેવામાં આવ્યું છે કે ઊંચા વ્યાજ દરોની અસર, રશિયા-યુક્રેન યુદ્ધની આડ અસર અને કોવિડ-19 મહામારીની અસર અર્થવ્યવસ્થા પર રહે છે.

વૈશ્વિક અર્થતંત્રનો વૃદ્ધિ દર 2.1% રહેવાનો અંદાજ

વિશ્વના 189 દેશોમાં ગરીબી નાબૂદ કરવા માટે પ્રયત્નશીલ વિશ્વ બેંકે તાજેતરના વૈશ્વિક પરિદ્રશ્યમાં જણાવ્યું છે કે, વૈશ્વિક અર્થતંત્રનો વિકાસ દર વર્ષ 2023માં 2.1 ટકા રહેશે, જ્યારે 2022માં તે 3.1 ટકા રહ્યો હતો. વર્લ્ડ બેંક દ્વારા જારી કરવામાં આવેલા ‘ગ્લોબલ ઈકોનોમિક પ્રોસ્પેક્ટ્સ’ રિપોર્ટ મુજબ, વર્ષ 2023 માટેનો નવો વિકાસ અનુમાન જાન્યુઆરીના અગાઉના અંદાજ કરતા થોડો સારો છે. વિશ્વ બેંકે જાન્યુઆરીમાં જણાવ્યું હતું કે, આ વર્ષે વૈશ્વિક વિકાસ દર માત્ર 1.7 ટકા રહેશે.

ભારતીય અર્થતંત્ર માટે 6.3 ટકાનો અંદાજ

વિશ્વ બેંકે આ વર્ષે ભારતીય અર્થતંત્ર 6.3 ટકાના દરે વૃદ્ધિ પામવાનું અનુમાન કર્યું છે, જે મોટા દેશોમાં સૌથી વધુ છે. વર્ષ 2022માં ભારતનો વિકાસ દર 7.2 ટકા હતો. વિશ્વની મુખ્ય અર્થવ્યવસ્થાઓમાં કેન્દ્રીય બેંકો ગયા વર્ષથી જ નીતિગત વ્યાજ દરોમાં વધારો કરવાનું વલણ અપનાવી રહી છે.

વધતી જતી મંદીને અંકુશમાં લેવા માટે, ફેડરલ રિઝર્વ અને અન્ય કેન્દ્રીય બેંકોએ વ્યાજ દરોમાં નોંધપાત્ર વધારો કર્યો છે. તેનાથી મહામારીમાં ભાંગી પડેલી અર્થવ્યવસ્થાને બહાર આવવામાં પડકારો ઘણા વધી ગયા છે.

આ પણ વાંચો… Neem Soap Benefits: ત્વચાની સમસ્યાઓ દૂર કરશે લીમડાનો સાબૂ, જાણો ઘરે કેવી રીતે બનાવું…

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો