Parliament Security Breach: સંસદમાં સ્મોક એટેક મામલે અત્યાર સુધી 04 લોકો ઝડપાયા

Parliament Security Breach: કાવતરામાં કુલ 6 લોકો સામેલ, 4ની ધરપકડ, 2 ફરાર

નવી દિલ્હી, 13 ડિસેમ્બરઃ Parliament Security Breach: સંસદ પર હુમલાની 22મી વરસી પર આજે સુરક્ષામાં મોટી ખામી સામે આવી છે. આજે લોકસભાની કાર્યવાહી દરમિયાન બે લોકો વિઝિટર ગેલેરીમાંથી નીચે કૂદી પડ્યા હતા. સાંસદોએ બંને શખ્સોને ઘેરી લીધા હતા. લોકસભાની સુરક્ષામાં લાગેલા માર્શલો પણ તરત જ દોડી આવ્યા હતા અને બંનેને પકડી લીધા હતા.

જોકે હવે ઉચ્ચ સુરક્ષાવાળી સંસદની સુરક્ષામાં ક્ષતિને લઈને અનેક સવાલો ઉભા થઈ રહ્યા છે. દરમિયાન સમાચાર એજન્સીએ સૂત્રોને ટાંકીને જણાવ્યું હતું કે આ સમગ્ર ઘટનામાં છ લોકો સામેલ હતા, જેમાંથી ચાર લોકોની ધરપકડ કરવામાં આવી છે અને બે લોકોની શોધ ચાલી રહી છે.

તપાસ ચાલુ

સૂત્રોએ જણાવ્યું કે તમામ છ આરોપીઓ એકબીજાને ઓળખતા હતા અને ગુરુગ્રામમાં સાથે રહેતા હતા. પોલીસ સૂત્રોનું કહેવું છે કે ધરપકડ કરાયેલા લોકો પાસેથી કોઈ મોબાઈલ ફોન મળ્યો નથી, તપાસ ચાલુ છે. દિલ્હી પોલીસ ધરપકડ કરાયેલા ચારેય આરોપીઓના મોબાઈલ ફોન શોધી રહી છે.

ચાર લોકોની અટકાયત

પોલીસે જે ચાર લોકોની અટકાયત કરી હતી તેમાંથી બે લોકો લોકસભાની પ્રેક્ષક ગેલેરીમાંથી કૂદી પડ્યા હતા અને ફ્લોર (જ્યાં સાંસદો બેસે છે) પર કૂદી પડ્યા હતા. વીડિયોમાં જોઈ શકાય છે કે આમાંથી એક વ્યક્તિ ટેબલ પર કૂદીને આગળ વધી રહ્યો છે.

મીડિયામાં પ્રકાશિત અહેવાલો મુજબ આ બંનેની ઓળખ મનોરંજન અને સાગર શર્મા તરીકે થઈ છે. સંસદ સંકુલમાં વિરોધ પ્રદર્શન કરતી વખતે કેન વડે ધુમાડો છોડનારા લોકોના નામ નીલમ અને અનમોલ શિંદે છે.

આ પણ વાંચો… Train Caneled update: ગાંધીધામ-ઈન્દોર અને ઈન્દોર-વેરાવળ એક્સપ્રેસ ટ્રેનો રદ રહેશે

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો