Rajnath Singh expressed concern over Ukraine crisis: રાજનાથ સિંહે યુક્રેન સંકટ પર વ્યક્ત કરી ચિંતા, SCO દેશોને આતંકવાદ સામે એક થવા કર્યું આહ્વાન
Rajnath Singh expressed concern over Ukraine crisis: રક્ષા મંત્રી રાજનાથ સિંહે કહ્યું કે, બેઠકમાં ભારતનું પ્રતિનિધિત્વ કરતા તેમણે યુક્રેન સંકટ પર ચિંતા વ્યક્ત કરી હતી
નવી દિલ્હી, 24 ઓગષ્ટઃ Rajnath Singh expressed concern over Ukraine crisis: રક્ષામંત્રી રાજનાથ સિંહ બુધવારે ઉઝબેકિસ્તાનની રાજધાની તાશ્કંદમાં આયોજિત શાંઘાઈ કોઓપરેશન ઓર્ગેનાઈઝેશન (SCO)ની વાર્ષિક બેઠકમાં સામેલ થયા હતા. અહીં તેઓ SCOના સભ્ય દેશોના તેમના સમકક્ષોને મળ્યા. આ દરમિયાન SCO સભ્ય દેશો વચ્ચે સંરક્ષણ સહયોગના મુદ્દા પર બેઠક યોજાઈ હતી. રાજનાથ સિંહે ટ્વિટ કરીને આ બેઠકની જાણકારી આપી છે.
રક્ષા મંત્રી રાજનાથ સિંહે કહ્યું કે, બેઠકમાં ભારતનું પ્રતિનિધિત્વ કરતા તેમણે યુક્રેન સંકટ પર ચિંતા વ્યક્ત કરી હતી. ત્યારે ભારતીય સશસ્ત્ર દળોના બેન્ડે પણ બેઠક પહેલા SCO સભ્ય દેશોના લશ્કરી ઓર્કેસ્ટ્રાના કોન્સર્ટમાં પરફોર્મ કર્યું હતું.
આ પણ વાંચોઃ Rupali ganguly photos: સાડીમાં જ જોવા મળતી અનુપમા ફેમ રુપાલી ગાંગુલી, રિયલ લાઇફમાં છે ખૂબ સ્ટાઇલિશ
આતંકવાદને ખતમ કરવા માટે ભેગા થવાનું આહ્વાન
તાશ્કંદમાં SCO સંરક્ષણ પ્રધાનોની બેઠકમાં સંરક્ષણ પ્રધાન રાજનાથ સિંહે તમામ પ્રકારના આતંકવાદને ખતમ કરવા માટે સભ્ય દેશોને સાથે આવવાનું આહ્વાન કર્યું હતું. આ દરમિયાન તેમણે યુક્રેનની સ્થિતિ પર ભારતની ચિંતા વ્યક્ત કરી હતી. તેમણે કહ્યું કે, યુક્રેનની સ્થિતિ વાતચીત દ્વારા ઉકેલવી જોઈએ. રક્ષા મંત્રી રાજનાથ સિંહે તાશ્કંદમાં SCO રક્ષા મંત્રીઓની બેઠકમાં જણાવ્યું હતું કે આતંકવાદ વૈશ્વિક શાંતિ અને સુરક્ષા માટે સૌથી ગંભીર પડકારો પૈકી એક છે. ભારત તમામ પ્રકારના આતંકવાદ સામે લડવા અને પ્રદેશને શાંતિપૂર્ણ, સુરક્ષિત અને સ્થિર બનાવવાના તેના સંકલ્પને પુનરાવર્તિત કરે છે.
સંયુક્ત સંસ્થાકીય ક્ષમતાઓ વિકસાવવાનો ઉદ્દેશ્ય
સંરક્ષણ પ્રધાન રાજનાથ સિંહે કહ્યું કે, અમે SCO સભ્ય દેશો સાથે સંયુક્ત સંસ્થાકીય ક્ષમતાઓ વિકસાવવા માંગીએ છીએ, જે દરેક દેશની સંવેદનશીલતાનું સન્માન કરે અને વ્યક્તિઓ, સમાજ અને રાષ્ટ્રો વચ્ચે સહકારની ભાવના પેદા કરે. આ અગાઉ ભારતીય સશસ્ત્ર દળોના બેન્ડે ઉઝબેકિસ્તાનની રાજધાની તાશ્કંદમાં સંરક્ષણ પ્રધાનોની બેઠકની બાજુમાં શાંઘાઈ કોઓપરેશન ઓર્ગેનાઈઝેશન (SCO) ના સભ્ય દેશોના લશ્કરી ઓર્કેસ્ટ્રા દ્વારા કોન્સર્ટમાં પરફોર્મ કર્યું હતું.(સોર્સઃ ન્યુઝ રીચ)
