Shinde Led Shiv Sena: કંગના બાદ ગોંવિંદાની રાજકારણમાં રીએન્ટ્રી, સાથે જ શિંદેની શિવસેનાએ આઠ ઉમેદવારના નામ કર્યા જાહેર- જાણો કોને મળી ટિકિટ
Shinde Led Shiv Sena: મહારાષ્ટ્રમાં એકનાથ શિંદે જૂથની શિવસેનાએ આજે લોકસભા ચૂંટણી માટે આઠ ઉમેદવારોની યાદી જાહેર કરી
મુંબઇ, 29 માર્ચઃ Shinde Led Shiv Sena: બોલિવૂડના દિગ્ગજ અભિનેતા ગોવિંદા મુખ્યમંત્રી શિંદેની પાર્ટી શિવસેનામાં ગુરૂવારે સત્તાવાર રીતે જોડાઈ ગયા છે. શિંદેએ ગોવિંદાને ખેસ પહેરાવ્યો હતો. પરિણામે હવે રાજકીય સૂત્રો દ્વારા એવી માહિતી મળી રહી છે કે, શિંદેની પાર્ટી ગોવિંદાને મુંબઈ ઉત્તર પશ્ચિમ લોકસભા બેઠક પરથી ચૂંટણી લડાવી શકે છે. ઉદ્ધવ ઠાકરે (શિવસેના જૂથ) દ્વારા અમોલ કીર્તિકરને આ બેઠક પરથી ઉમેદવાર બનાવવામાં આવ્યા છે.
#WATCH | Veteran Bollywood actor Govinda joins Shiv Sena in the presence of Maharashtra CM Eknath Shinde pic.twitter.com/vYu2qYDrlO
— ANI (@ANI) March 28, 2024
ગોવિંદા અગાઉ કોંગ્રેસ પાર્ટીની ટિકિટથી ચૂંટણી લડ્યા હતા. 2004થી 2009 સુધી સાંસદ રહી ચુક્યા છે. ગોવિંદા ઉત્તર મુંબઈથી સાંસદ તરીકે ચૂંટાયા હતા. તે સમયે ભાજપના રામ નાઈકને હરાવ્યા હતા.
कलाकारांचा पाठिंबा शिवसेनेला !
— Shivsena – शिवसेना (@Shivsenaofc) March 28, 2024
मुख्यमंत्री आणि शिवसेनेचे मुख्य नेते मा.ना.श्री. एकनाथजी शिंदे साहेबांच्या सक्षम नेतृत्वावर विश्वास ठेवत राज्यभरातील विविध पक्षातील नेते, पदाधिकारी, कार्यकर्ते तसेच अनेक क्षेत्रातील दिग्गज शिवसेनेचा भगवा हाती घेत आहेत. याच पार्श्वभूमीवर मुख्यमंत्री… pic.twitter.com/3sb3MwZDJk
લોકસભા ચૂંટણીને લઈ મહારાષ્ટ્રના રાજકારણમાં સતત ખળભળાટ જોવા મળી રહ્યો છે. એકતરફ વિપક્ષ મહાવિકાસ અઘાડી ગઠબંધનમાં હજુ પણ સીટ વહેંચણી મુદ્દે વાત આગળ વધી નથી, તો બીજી તરફ ભાજપ, શિવસેના (શિંદે જૂથ), એનસીપી (અજિત પવાર જૂથ)ની મહાયુતિ ગઠબંધનમાં બેઠક વહેંચણીનો મુદ્દે સહમતિ થઈ ગઈ છે, જોકે આ અંગે સત્તાવાર જાહેરાત કરવાની બાકી છે, ત્યારે મહારાષ્ટ્રમાં એકનાથ શિંદે જૂથની શિવસેનાએ આજે લોકસભા ચૂંટણી માટે આઠ ઉમેદવારોની યાદી જાહેર કરી છે. પાર્ટીએ કોલ્હાપુરથી સંજય મંડલીક, તો હિંગોલીથી હેમંત પાટિલને ટિકિટ આપી છે.
लोकसभा निवडणूक – २०२४ साठी शिवसेनेच्या उमेदवारांची पहिली यादी#Shivsena pic.twitter.com/PGgRhVMrhK
— Shivsena – शिवसेना (@Shivsenaofc) March 28, 2024
મહારાષ્ટ્રમાં કુલ 48 લોકસભા બેઠકો છે, જેમાં NDAના નેતૃત્વ હેઠળની મહાયુતિ ગઠબંધનમાં BJP 28 બેઠકો પર, શિંવસેના (શિંદે જુથ) 14 બેઠકો પર જ્યારે NCP (અજિત પવાર જૂથ) પાંચ બેઠકો પર ચૂંટણી લડવાની છે. આ ઉપરાંત ગઠબંધનમાં સામેલ રાષ્ટ્રીય સમાજવાદી પાર્ટીને એક બેઠક આપવાનો નિર્ણય કરાયો છે.
ઉલ્લેખનીય છે કે, મહારાષ્ટ્રની 48 લોકસભા સીટો પર 5 તબક્કામાં મતદાન થશે. પ્રથમ તબક્કામાં 19 એપ્રિલે મતદાન થશે. બીજા તબક્કાનું મતદાન 26 એપ્રિલે થશે. ત્રીજા તબક્કાનું મતદાન 7 મેના રોજ થશે. ચોથા તબક્કાની ચૂંટણી 13 મેના રોજ યોજાશે. પાંચમા અને છેલ્લા તબક્કા માટે 20 મેના રોજ મતદાન થશે.