SP-Congress Alliance: યુપીમાં થશે કોંગ્રેસ-સપાનું ગઠબંધન, ભાજપને 80 બેઠકો પર ભારે પડશે આ માસ્ટર સ્ટ્રોક
SP-Congress Alliance: કોંગ્રેસ અને સમાજવાદી પાર્ટી બંને વચ્ચે સમજૂતી થઈ ગઈ છે અને લોકસભાની ચૂંટણી એકસાથે લડશે
નવી દિલ્હી, 21 ફેબ્રુઆરીઃ SP-Congress Alliance: લોકસભાની ચૂંટણી માટે છેલ્લા કેટલાક દિવસોથી ‘સીટ શેરિંગ’ને લઈને સમાજવાદી પાર્ટી અને કોંગ્રેસ વચ્ચે વાતચીત ચાલી રહી હતી, જેમાં કોઈ નિર્ણય લેવાયો ન હતો. ત્યારે હવે મળતા અહેવાલ મુજબ બંને પક્ષો સમજૂતી થઈ ગઈ છે અને લોકસભાની ચૂંટણી એકસાથે લડશે.
ઉલ્લેખનીય છે કે ઉત્તરપ્રદેશમાં લોકસભાની 80 બેઠકો આવેલી છે. જેના પર ભાજપનું પલડું ભારે મનાય છે. જોકે આ વખતે વિપક્ષ એકજૂટ થતાં મત વિભાજન થવાની શક્યતાઓ ઓછી થઈ જવાને કારણે એનડીએ અને નવા રચાયેલા I.N.D.I.A ગઠબંધન વચ્ચે મજબૂત ટક્કર જોવા મળી શકે છે. એટલા માટે જ છેવટે કોંગ્રેસ સાથેના વિવાદને ઉકેલી લેવાનો અખિલેશ યાદવનો આ નિર્ણય માસ્ટર સ્ટ્રોક માનવામાં આવી રહ્યો છે.
ઉલ્લખનીય છે કે, અગાઉ સમાજવાદી પાર્ટીએ I.N.D.I.A ગઠબંધન હેઠળ કોંગ્રેસને 17 બેઠકો પર ચૂંટણી લડવાનો પ્રસ્તાવ મોકલ્યો હતો જેનો કોંગ્રેસે જવાબ ન આપતા અખિલેશ યાદવ રાહુલ ગાંધીની ભારત જોડો ન્યાય યાત્રામાં સામેલ થયા ન હતા. અખિલેશે સોમવારે પત્રકારોના સવાલોના જવાબમાં કહ્યું હતું કે, ‘સીટ શેરિંગ’ અંગે નિશ્ચિત નિર્ણય લેવાઈ જશે, પછી જ અમારો પક્ષ (રાહુલ ગાંધીની) ભારત જોડો ન્યાય યાત્રામાં જોડાશે.
દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો