Poha Pakoda Recipe: એક જ પ્રકારના નાસ્તાથી કંટાળી ગયા છો? ટ્રાય કરો ટેસ્ટી પૌવા પકોડાની રેસીપી…
Poha Pakoda Recipe: બટાકા અને પોહાથી બનેલી આ રેસીપી નાસ્તા માટે પરફેક્ટ છે
અમદાવાદ, 25 જુલાઈઃ Poha Pakoda Recipe: જો તમે ચટાકેદાર ખોરાકના શોખીન છો, તો તમે સપ્તાહના અંતે આ ટેસ્ટી રેસીપી ચોક્કસથી ટ્રાય કરી શકો છો. હા, પોહા પકોડાની રેસીપી ખાવામાં ખૂબ જ સ્વાદિષ્ટ અને મસાલેદાર તો છે જ પરંતુ તે બનાવવામાં પણ ખૂબ જ સરળ છે. બટાકા અને પોહાથી બનેલી આ રેસીપી નાસ્તા માટે પરફેક્ટ છે. તો ચાલો વિલંબ કર્યા વિના જાણીએ કે કેવી રીતે બને છે પોહા પકોડા…
પોહા પકોડા બનાવવા માટેની સામગ્રી:
- 1/2 કપ પોહા
- 1/2 કપ બાફેલા બટાકા
- 1 ચમચી સમારેલા લીલા મરચા
- 2 ચમચી સમારેલી કોથમીર
- 1/2 ચમચી જીરું
- 1 ચમચી લાલ મરચું પાવડર
- 1/2 ચમચી ખાંડ
- 1 ચમચી લીંબુનો રસ
- તળવા માટે તેલ
- સ્વાદ મુજબ મીઠું
પોહા પકોડા બનાવવાની રીત:
પોહાના પકોડા બનાવવા માટે સૌથી પહેલા પોહાને પાણીથી સારી રીતે ધોઈ લીધા બાદ પોહાને 10 મિનિટ પલાળી રાખો. નિયત સમય પછી, એક વાસણ લો અને તેમાં બાફેલા છૂંદેલા બટાકાની સાથે પલાળેલા પોહા ઉમેરો અને બંને વસ્તુઓને સારી રીતે મિક્સ કરો.
આ પછી, પોહા અને બટાકાના મિશ્રણમાં લીલા ધાણા, લીલા મરચા, જીરું, લાલ મરચું પાવડર, ખાંડ, લીંબુનો રસ અને સ્વાદ મુજબ મીઠું ઉમેરીને ફરીથી બધું બરાબર મિક્સ કરો. હવે એક કડાઈમાં તેલ મૂકીને મધ્યમ આંચ પર ગરમ કરો,
તૈયાર કરેલા મિશ્રણને હાથ વડે લઈને પકોડા બનાવો અને પકોડાને ગોલ્ડન બ્રાઉન થાય ત્યાં સુધી તળો. તમારા ક્રિસ્પી પોહા પકોડા તૈયાર છે. તમે તેને લીલી ચટણી સાથે સર્વ કરી શકો છો.
આ પણ વાંચો… Income Tax Rules: ઇન્કમટેક્સ ભરતા તમનેે પણ મળી શકે છે ટેક્સમાંથી બચત, આ બાબતોનું રાખો ધ્યાન
