Skin benefits of banana peel: શું તમે જાણો છો; કેળાની છાલથી ત્વચાને થતા ફાયદા વિશે?
હેલ્થ ડેસ્ક, 20 ફેબ્રુઆરી: Skin benefits of banana peel: કેળા એક એવું ફળ છે જે તમને દરેકના ઘરમાં જોવા મળશે. પોષક તત્ત્વોથી ભરપૂર કેળા પચવામાં સરળ હોય છે અને તે એવા ફળોમાંથી એક છે જેને તમે ઓફિસ જતી વખતે સરળતાથી ખાઈ શકો છો અથવા તમારી સાથે લઈ જઈ શકો છો. આ ઉપરાંત, કેળામાંથી ઘણી સ્વાદિષ્ટ મીઠી વાનગીઓ પણ બનાવવામાં આવે છે, જેમ કે બનોફી પાઈ અથવા કેળાની બ્રેડ. જો કે, કેળાનો ઉપયોગ કરતી વખતે એક વસ્તુ જે આપણે બધા કરીએ છીએ તે છે છાલને તરત જ ફેંકી દેવી.
શું તમે જાણો છો કે કેળાની છાલ આપણી ત્વચા માટે કેટલી ફાયદાકારક છે.કેળાની છાલ જોઈને ભલે એવું ન લાગે, પરંતુ તે ઘણા પોષક તત્વોથી ભરપૂર છે, જે ત્વચાને ફાયદો કરે છે. તો ચાલો જાણીએ કેળાની છાલના ફાયદા વિશે
1. ચહેરા પરની ઝીણી રેખાઓ ઘટાડે છે
કેળાની છાલ તમારી ત્વચા પર ઉંમરની સાથે આવતી ફાઈન લાઈન્સને ઘટાડે છે. તો આના માટે કેળા ની છાલના અંદરના ભાગને તમારી ત્વચા પર ઘસો અને અડધો કલાક રહેવા દો. પછી હુંફાળા પાણીથી ધોઈ લો. તેનાથી ફાયદો થાય છે કારણ કે છાલમાં એન્ટીઓક્સીડેન્ટ હોય છે, જે ત્વચાને ટાઈટ કરે છે અને ત્વચાનો રંગ સરખો બનાવે છે.
2. ખીલ અને ડાઘ મટાડે છે
આ માટે કેળાની છાલના નાના-નાના ટુકડા કરી લો અને પછી તેને ખીલ અથવા ડાઘવાળી જગ્યા પર, જ્યાં સુધી છાલ બ્રાઉન રંગની ન થઈ જાય ત્યાં સુધી ઘસો. અડધો કલાક રહેવા દો અને પછી ગરમ ટુવાલથી સાફ કરી લો. થોડા દિવસો સુધી દિવસમાં બે વાર તેનો ઉપયોગ કરો, તમે તમારી ત્વચામાં ફેરફાર અનુભવશો.
3. આંખો નીચે ના ડાઘ અને પફી આંખો માટે
આપણી વ્યસ્ત જીવનશૈલી અને ઓફિસમાં લાંબા સમય સુધી કામ કરવાના કારણે આંખોની નીચે ડાર્ક સર્કલ અને પફી થવી સામાન્ય વાત છે. આ માટે તમે સૌથી મોંઘી ટ્રીટમેન્ટ અને ક્રીમનો ઉપયોગ કર્યો જ હશે, પરંતુ એકવાર કેળાની છાલનો ઉપયોગ કરીને જુઓ. છાલમાંથી સફેદ ફાઈબર કાઢી લો અને તેને એલોવેરા જેલ સાથે મિક્સ કરો. સફેદ રેસામાં પોટેશિયમ હોય છે અને મોઇશ્ચરાઇઝિંગ એલોવેરા જેલ ડાર્ક સર્કલ થી છુટકારો મેળવવામાં મદદ કરે છે.
4. કેળાની છાલનો માસ્ક
કેળામાં વિટામિન B6, B12, એન્ટીઑકિસડન્ટ અને ઝિંક જેવા પોષક તત્વો હોય છે, જે ત્વચાની ઘણી સમસ્યાઓનો સામનો કરવામાં મદદ કરી શકે છે. તમે કાપેલા કેળામાં છાલ, મધ અને દહીં ઉમેરીને માસ્ક બનાવી શકો છો.
5. કેળાની છાલ નો સ્ક્રબર
કેળાની છાલમાં પ્રોટીન, ફાઈબર, મેગ્નેશિયમ અને પોટેશિયમ જેવા સૂક્ષ્મ પોષકતત્વો હોય છે, જે ત્વચાને પોષણ પ્રદાન કરી શકે છે. તેનો ઉપયોગ હળદર સાથે સ્ક્રબર તરીકે કરી શકાય છે, જે ટેન ઘટાડવામાં, ખીલ સામે લડવામાં, અને મૃત ત્વચાને સાફ કરવામાં મદદ કરે છે.
