Vivah Muhurta on Akshay tritiya: દુર્લભ સંયોગ! અખાત્રીજે વણજોયુ મુહૂર્ત હોવા છતાં આ વર્ષે નહીં થાય લગ્ન,વાંચો વિગત

Vivah Muhurta on Akshay tritiya: દ્રિક પંચાંગ અનુસાર આ વર્ષે ગુરુનો નક્ષત્ર 7 મેથી વૈશાખ મહિનાની કૃષ્ણ પક્ષની ચતુર્દશી તિથિ, 31 મે સુધી જ્યેષ્ઠ મહિનાની કૃષ્ણ પક્ષની અષ્ટમી તિથિ સુધી અસ્ત થશે

ધર્મ ડેસ્ક, 06 મેઃ Vivah Muhurta on Akshay tritiya: જ્યોતિષ અનુસાર અક્ષય તૃતીયાનો દિવસ લગ્ન અથવા શુભ કાર્યો માટે ખૂબ જ શુભ માનવામાં આવે છે. પરંતુ લગભગ 23 વર્ષ પછી આવો સંયોગ બની રહ્યો છે જ્યારે અક્ષય તૃતીયા પર લગ્નનો શુભ મુહૂર્ત નથી આવી રહ્યો. આ વર્ષે અક્ષય તૃતીયા પર શુક્ર અને ગુરૂ અસ્ત થવાને કારણે લગ્ન માટે આ દિવસ શુભ રહેશે નહીં. જોકે, અક્ષય તૃતીયાને મહામુહૂર્ત માનવામાં આવતું હોવાથી આ દિવસે શુભ અનુષ્ઠાન કરવામાં આવશે. અગાઉ વર્ષ 2000માં અક્ષય તૃતીયાના દિવસે ગુરુ અને શુક્રના નક્ષત્રો અસ્ત થયા હતા. આ વર્ષે મે અને જૂન 2024માં લગ્ન માટે કોઈ શુભ મુહૂર્ત નહીં હોય.

દ્રિક પંચાંગ અનુસાર આ વર્ષે ગુરુનો નક્ષત્ર 7 મેથી વૈશાખ મહિનાની કૃષ્ણ પક્ષની ચતુર્દશી તિથિ, 31 મે સુધી જ્યેષ્ઠ મહિનાની કૃષ્ણ પક્ષની અષ્ટમી તિથિ સુધી અસ્ત થશે. તે જ સમયે, શુક્રનો નક્ષત્ર 25 એપ્રિલથી 5 જુલાઈ સુધી અસ્ત થવા જઈ રહ્યો છે. તેથી, 10મી મે એટલે કે અક્ષય તૃતીયાના રોજ ગુરુ અને શુક્રના નક્ષત્રો અસ્ત થવાને કારણે લગ્ન માટે કોઈ શુભ મુહૂર્ત રહેશે નહીં.

આ પણ વાંચો:- Metro train: અમદાવાદનો એક યાદગાર સફર

ઉલ્લેખનીય છે કે, મે અને જૂનમાં લગ્ન માટે કોઈ શુભ મુહૂર્ત નથી. પરંતુ જુલાઈ મહિનામાં 9, 11, 12, 13, 14 અને 15 તારીખ લગ્ન માટે શુભ મુહૂર્ત બની રહ્યા છે. આ 6 દિવસમાં લગ્નનું આયોજન થઈ શકે છે. આ પછી 17મી જુલાઈથી ચાતુર્માસ શરૂ થશે. જે 12 નવેમ્બર 2024ના રોજ સમાપ્ત થશે.

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો