Bank holiday in june 2022: જૂનમાં આટલા દિવસો સુધી બેંકો રહેશે બંધ, બેંકની શાખામાં જતા પહેલા જુઓ રજાઓની યાદી
Bank holiday in june 2022: આ દિવસોમાં બેંકને લગતા મોટાભાગના કામ ઓનલાઈન થાય છે. આમ છતાં પણ એવા ઘણા કામ છે
નવી દિલ્હી, 31 મે: Bank holiday in june 2022: આ દિવસોમાં બેંકને લગતા મોટાભાગના કામ ઓનલાઈન થાય છે. આમ છતાં પણ એવા ઘણા કામ છે, જેના માટે તમારે ક્યારેક બેંકની શાખામાં જવું પડી શકે છે. જો તમારે પણ આવતા મહિને એટલે કે જૂન મહિનામાં બેંકની શાખાની મુલાકાત લેવાની જરૂર છે, તો આ સમાચાર તમારા માટે ખૂબ જ મહત્વપૂર્ણ છે. વાસ્તવમાં તહેવારો, વર્ષગાંઠો અથવા વિશેષ દિવસોના કારણે જૂનમાં બેંકો 12 દિવસ બંધ રહેશે. આવતા મહિને મહારાણા પ્રતાપ જયંતિ, શ્રી ગુરુ અર્જુન દેવજીના શહીદ દિવસના કારણે વધુ બેંક રજાઓ છે. જો કે, આ રજાઓ તમામ રાજ્યો અને કેન્દ્રશાસિત પ્રદેશોમાં લાગુ પડતી નથી.
ભારતીય રિઝર્વ બેંક (RBI) દર વર્ષે બેંક હોલીડે કેલેન્ડર બહાર પાડે છે, જેમાં દરેક રાજ્યમાં આવતી બેંકની રજાઓ વિશેની માહિતી હોય છે. આ કેલેન્ડરમાં તે બેંકો વિશે જણાવવામાં આવ્યું છે, જે રાજ્યોમાં વિશેષ તારીખે શાખાઓ બંધ રહેશે. મની કંટ્રોલના રિપોર્ટ અનુસાર જૂન મહિનામાં કુલ 12 દિવસ બેંકો બંધ રહેવાની છે. આ યાદીમાં બીજા અને ચોથા શનિવાર અને રવિવારની રજાઓ પણ સામેલ છે.
આ પણ વાંચોઃ Stress Release Tips: તણાવથી છુટકારો મેળવવાનો સૌથી સરળ ઉપાય, મન સંપૂર્ણ રીતે ફ્રેશ રહેશે
આપ રિઝર્વ બેંક ઓફ ઈન્ડિયાની વેબસાઈટ પર જોઈ શકો છો:
રિઝર્વ બેંક ઓફ ઈન્ડિયા (RBI)ની સત્તાવાર વેબસાઈટ પર આપવામાં આવેલી યાદી અનુસાર, અલગ-અલગ રાજ્યોની રજાઓની યાદી અલગ-અલગ છે. આ રજાઓ તહેવાર અથવા ખાસ પ્રસંગો પર આધાર રાખે છે. આનો અર્થ એ થયો કે આ રજાઓ તમામ રાજ્યોમાં લાગુ પડતી નથી, પરંતુ તે સંબંધિત રાજ્યોમાં તહેવાર અથવા દિવસ પર આધારિત છે. માત્ર દર બીજા અને ચોથા શનિવાર અને બધા રવિવારે સામાન્ય રજા હોય છે. આ સિવાય ગેજેટ હોલિડે પર પણ તમામ બેંકો બંધ છે.
ઉપરાંત તમામ બેંકોની મોબાઈલ બેંકિંગ અને નેટ બેંકિંગ સેવાઓ પણ બેંક રજાઓના દિવસે સંપૂર્ણ રીતે સક્રિય છે. તેથી, મોબાઇલ બેંકિંગ અને નેટ બેંકિંગની મદદથી, તમે ફંડ ટ્રાન્સફર જેવા તમામ મહત્વપૂર્ણ કાર્યોને કરી શકો છો.(સોર્સઃ ન્યુઝ રીચ)
