Nail care tips: જો તમારા નખ પણ વારંવાર તૂટી જતા હોય તો અપનાવો આ ઘરેલુ ઉપાય
હેલ્થ ડેસ્ક, ૨૫ જાન્યુઆરીઃ Nail care tips: મહિલાઓને નખ વધારવા નો ખૂબ શોખ હોય છે. નખ વધારીને, તે તેમને ઇચ્છિત આકાર આપી શકે છે. પરંતુ કેટલીક મહિલાઓની સાથે સાથે પુરૂષોના નખ એટલા નરમ હોય છે કે તે થોડા મોટા થતા જ તૂટી જાય છે. નિષ્ણાંતોનું કહેવું છે કે શરીરમાં પાણીની કમી, પોષક તત્વોની ઉણપ, પ્રોટીન, આયર્ન વગેરેની ઉણપને કારણે પણ નખ તૂટવાની સમસ્યા થાય છે.તેથી, તમારા આહારનું વિશેષ ધ્યાન રાખો.
આ સિવાય જો તમે ઇચ્છો તો આ રીતે લીંબુનો ઉપયોગ કરીને નખ તૂટવાની (Nail care tips) સમસ્યાથી છુટકારો મેળવી શકો છો.લીંબુનો રસ તમારા નખને ચમકદાર બનાવવામાં અને ડાઘ દૂર કરવામાં મદદ કરી શકે છે. આ સાથે લીંબુના રસમાં વિટામિન સી જોવા મળે છે જે નખના ટિશ્યુને રિપેર કરીને તેમના ગ્રોથમાં મદદ કરે છે, જેના કારણે નખ માત્ર વધતા નથી પરંતુ તેમની પીળાશ પણ ખતમ થઈ જાય છે. તૂટેલા નખને ઠીક કરવા માટે લીંબુનો ઉપયોગ કેવી રીતે કરવો તે જાણો.
ઓલિવ ઓઇલ અને લીંબુનો રસ: Nail care tips: એક બાઉલમાં એક ચમચી ઓલિવ ઓઇલ અને લીંબુના રસના થોડા ટીપાં નાખીને સારી રીતે મિક્સ કરો. તે પછી તેને તમારા નખ પર લગાવો અને સારી રીતે મસાજ કરો. ત્યાર બાદ તેને આખી રાત રહેવા દો. લીંબુ અને ઓલિવ ઓઇલ નખને સુધારવામાં મદદ કરશે.
લીંબુ: રાત્રે સૂતા પહેલા લીંબુની સ્લાઈસ લો અને તેને નખ પર 5-10 મિનિટ સુધી ઘસો. ત્યાર બાદ 20 મિનિટ પછી તમારા હાથને હૂંફાળા પાણીથી ધોઈ લો. પછી મોઈશ્ચરાઈઝર ક્રીમ લગાવો. અઠવાડિયામાં ઓછામાં ઓછું બે વાર આવું કરો. જો તમારા નખની આસપાસ કટ અથવા છાલ હોય તો તેનો ઉપયોગ કરશો નહીં. આનાથી તમને તે જગ્યા એ બળી શકે છે.