Chaitra Navratri vidhi: રાહુ-કેતુ અને શનિના પ્રભાવથી મુક્તિ અપાવશે મા દુર્ગાની પૂજા, જાણો વિધિ-વિધાન
Chaitra Navratri vidhi: ધાર્મિક ગ્રંથો અનુસાર શનિદેવને ભગવાન શિવના પરમ ભક્ત માનવામાં આવે છે
ધર્મ ડેસ્ક, 11 એપ્રિલઃ Chaitra Navratri vidhi: ચૈત્ર નવરાત્રી શરૂ થઈ ગઈ છે. ધાર્મિક માન્યતા અનુસાર, નવરાત્રી દરમિયાન મા દુર્ગાના 9 સ્વરૂપોની પૂજા કરવામાં આવે છે. નવરાત્રી દરમિયાન ભક્તો મા દુર્ગાને પ્રસન્ન કરવા માટે વિવિધ ઉપાયો કરે છે. મા દુર્ગાની વિધિવિધાન સાથે કરેલી પૂજા ભક્તોને રાહુ-કેતુ અને શનિના પ્રકોપથી પણ બચાવે છે. જ્યોતિષી અનુસાર, માતા દુર્ગાને ચૈત્ર નવરાત્રી રાજી કરવાના કેટલાક ઉપાયો જણાવ્યા છે.
આ ચૈત્ર નવરાત્રીમાં તંત્ર-મંત્ર, જાપ-તપ અને ઉપાયો કરવાની પરંપરા છે. રાહુ, કેતુ કે શનિથી પરેશાન કોઈપણ ભક્તે નવરાત્રી દરમિયાન કેટલાક ખાસ ઉપાય કરવા જોઈએ. જો તમે પણ નવરાત્રી દરમિયાન તમારા જીવનની ઘણી સમસ્યાઓ દૂર કરવા માંગતા હોવ તો નવરાત્રી દરમિયાન કેટલાક ખાસ ઉપાયો અવશ્ય કરવા જોઈએ. જેનાથી રાહુ, કેતુ અને શનિની ખરાબ અસરથી બચી શકાય છે.
આ પણ વાંચો:- Ambani family With aditya gadhvi: ગોતિલો ફેમ આદિત્ય ગઢવી માટે હેપી બર્થ ડે ગીત ગાયુ, જુઓ વીડિયો
ચૈત્ર નવરાત્રી દરમિયાન કેટલાક ખાસ ઉપાય કરવાથી રાહુ અને કેતુને શાંત કરી શકાય છે. રાહુ અને કેતુને શાંત કરવા માટે, બ્રહ્મ મુહૂર્તમાં જાગીને અને નવરાત્રી દરમિયાન 9 દિવસ સુધી સ્નાન કર્યા પછી હનુમાન ચાલીસાનો પાઠ કરવો જોઈએ. આમ કરવાથી જીવનમાં સ્થિરતા પ્રાપ્ત થાય છે. આ સિવાય જો તમે નવરાત્રીના 9 દિવસ સુધી શ્રી દુર્ગા સપ્તશતીનો પાઠ કરશો તો તમને રાહુ અને કેતુથી મુક્તિ મળશે.
રાહુ, કેતુ અને શનિના ખરાબ પ્રભાવથી બચવા માટે નવરાત્રીના નવ દિવસ સુધી ભગવાન શિવને લવિંગ અર્પણ કરવા જોઈએ. આમ કરવાથી આર્થિક સમસ્યાઓથી રાહત મળે છે અને રાહુ અને કેતુની સાથે શનિની સંપૂર્ણ અસર પણ દૂર થઈ જાય છે.
નવરાત્રી દરમિયાન જો તમે ચાંદીનો હાથી ખરીદીને તમારા ઘરના મંદિરમાં રાખો છો, તો રાહુ ગ્રહની અશુભ અસર ઓછી થાય છે. સાથોસાથ કારકિર્દી સંબંધિત સમસ્યાઓમાંથી રાહત મળે છે. આ ઉપરાંત નવરાત્રીના 9 દિવસ તમારી ક્ષમતા મુજબ ગરીબ અને જરૂરિયાતમંદ લોકોને મદદ કરવી જોઈએ. એવું કહેવાય છે કે આવું કરવાથી શનિદેવની વિશેષ કૃપા પ્રાપ્ત થાય છે.
જે લોકોની કુંડળીમાં રાહુ-કેતુ સંબંધિત દોષ હોય તેમણે તેનાથી મુક્તિ મેળવવા માટે મા બ્રહ્મચારિણી અને મા ચંદ્રઘંટાની વિશેષ પૂજા કરવી જોઈએ. જો વ્યક્તિની કુંડળીમાં રાહુ સંબંધિત દોષો હોય તો માતા બ્રહ્મચારિણીની પૂજા કરવી ખૂબ જ ફાયદાકારક છે, જ્યારે કેતુ ગ્રહથી પીડિત વ્યક્તિ હોય તો માતા ચંદ્રઘંટાનું પૂજન કરવું શુભ છે.
આટલું જ નહીં ધાર્મિક ગ્રંથો અનુસાર શનિદેવને ભગવાન શિવના પરમ ભક્ત માનવામાં આવે છે. આવી સ્થિતિમાં જો તમે નવરાત્રી દરમિયાન શિવની પૂજા કરો છો તો શનિની ખરાબ અસર ઓછી થાય છે. આ સાથે શનિની મહાદશા અને શનિની સાડાસાતીથી પણ રાહત મળે છે.
જ્યોતિષમાં રાહુ-કેતુને પાપી ગ્રહ માનવામાં આવે છે. આવી સ્થિતિમાં નવરાત્રી પર મા દુર્ગાની સાથે હનુમાનજી અને ભગવાન શિવની પૂજા કરવાથી વ્યક્તિ કુંડળીમાં હાજર રહેલા પાપી ગ્રહ રાહુ અને કેતુના અશુભ પ્રભાવથી મુક્તિ મેળવે છે. નવરાત્રી પર હનુમાન ચાલીસા અને બજરંગ બાણનો પાઠ કરવાથી કુંડળીમાં રાહુ-કેતુના દોષો ઓછા થઈ શકે છે.