Heritage Special Train Schedule: દર રવિવારે અમદાવાદ-એકતા નગર હેરિટેજ સ્પેશિયલ ટ્રેન દોડશે
Heritage Special Train Schedule: 5 નવેમ્બરથી દર રવિવારે અમદાવાદ-એકતા નગર હેરિટેજ સ્પેશિયલ ટ્રેન દોડશે
વડોદરા સ્ટેશન પર રોકાણ
અમદાવાદ, 03 નવેમ્બર: Heritage Special Train Schedule: વડાપ્રધાન નરેન્દ્ર મોદી દ્વારા 31 ઓક્ટોબર, 2023ના રોજ વર્ચ્યુઅલી એકતાનગરથી અમદાવાદ વચ્ચે ચાલનારી ગુજરાતની પ્રથમ સ્ટીમ હેરિટેજ સ્પેશિયલ ટ્રેનનો લીલી ઝંડી બતાવી શુભારંભ કર્યો. આ ટ્રેનનું રોકાણ વડોદરા સ્ટેશને પણ થશે. આ હેરિટેજ સ્પેશિયલ ટ્રેનની વિગતો નીચે મુજબ છે :
ટ્રેન નંબર 09409/09410 અમદાવાદ-એકતા નગર સ્ટીમ હેરિટેજ સ્પેશિયલ ટ્રેન
ટ્રેન નંબર 09409 અમદાવાદ-એકતા નગર સ્ટીમ હેરિટેજ સ્પેશિયલ ટ્રેન (Heritage Special Train Schedule) 5 નવેમ્બર, 2023થી દર રવિવારે સવારે 06.10 વાગ્યા અમદાવાદથી પ્રસ્થાન કરી 08.18 વાગ્યે વડોદરા પહોંચશે અને 08.23 વાગ્યે પ્રસ્થાન કરી એ જ દિવસે 09.50 લાગ્યે એકતા નગર પહોંચશે. એ જ રીતે 09410 એકતા નગર-અમદાવાદ સ્ટીમ હેરિટેજ સ્પેશિયલ ટ્રેન દર રવિવારે 20.35 વાગ્યે એકતા નગરથી પ્રસ્થાન કરી 22.00 વાગ્યે વડોદરા પહોંચશે અને 22.05 વાગ્યે પ્રસ્થાન કરી બીજા દિવસે 00.05 વાગ્યે અમદાવાદ પહોંચશે. આ ટ્રેનમાં ચાર એસી વિસ્ટાડોમ પ્રકારના કોચ છે જેમાં ત્રણ એસી એક્ઝિક્યુટિવ ચેર કાર કોચ અને એક રેસ્ટોરાં ડાઇનિંગ કાર સામેલ છે.
Statue of Unity: સ્ટૅચ્યુ ઑફ યુનિટીની ભવ્યતા જોઈ મંત્રમુગ્ધ થયાં કેન્દ્રીય મંત્રી ડૉ. જિતેન્દ્ર સિંહ
ટ્રેન નંબર 09409 તેમ જ 09410નું બુકિંગ તમામ પીઆરએસ કાઉન્ટર્સ અને આઇઆરસીટીસીની વેબસાઇટ પર ચાલુ છે. ઉપરોક્ત ટ્રેનનો એડવાન્સ રીઝર્વ પીરિયડ (અગ્રીમ આરક્ષણ સમય) 30 દિવસ હશે.
