Gujarat congress manifesto: ગુજરાત ચૂંટણી માટે કોંગ્રેસે જાહેર કર્યું જનઘોષણાપત્ર, વાંચો વિગતે…

Gujarat congress manifesto: પાર્ટીએ 10 લાખ રૂપિયા સુધીની મફત સારવાર અને દવાઓ આપવાની જાહેરાત કરી

ગાંધીનગર, 12 નવેમ્બર: Gujarat congress manifesto: ગુજરાતમાં વિધાનસભાની ચૂંટણીની જાહેરાત થયા બાદ તમામ રાજકીય પક્ષો ઉમેદવારોની પસંદગીમાં વ્યસ્ત છે. આજે જ ભાજપે 6 અને કોંગ્રેસે 7 ઉમેદવારોની યાદી જાહેર કરી છે. દરમિયાન, ભારતીય રાષ્ટ્રીય કોંગ્રેસે તેનો ઢંઢેરો બહાર પાડ્યો છે. જેમાં પાર્ટીએ 10 લાખ રૂપિયા સુધીની મફત સારવાર અને દવાઓ આપવાની જાહેરાત કરી છે.

સાથે જ એવું પણ કહેવામાં આવ્યું છે કે જો રાજ્યમાં કોંગ્રેસની સરકાર બનશે તો ખેડૂતોની લોન પણ માફ કરવામાં આવશે. મેનિફેસ્ટોમાં કહેવામાં આવ્યું છે કે તે ખેડૂતોની 3 લાખ રૂપિયા સુધીની લોન માફ કરશે.

કોંગ્રેસના વચનનામાના પ્રમુખ મુદ્દાઓ…

• દરેક ગુજરાતીને 10 લાખ સુધીની મફત સારવારની જવાબદારી, મફત દવાઓ ઉપલબ્ધ કરાવવામાં આવશે.
• ખેડૂતોની 3 લાખ સુધીની લોન માફ, વીજળીનું બિલ માફ, સામાન્ય વીજ ગ્રાહકોને 300 યુનિટ સુધીની મફત વીજળી.
• ગુજરાતમાં 10 લાખ સરકારી નોકરીઓમાં યુવાનોની ભરતી થશે, 50 ટકા નોકરીઓ મહિલાઓ માટે અનામત રહેશે
  -કોન્ટ્રાક્ટ-આઉટસોર્સિંગ સિસ્ટમથી સરકારી નોકરીઓ સમાપ્ત થશે, બેરોજગાર યુવાનોને દર મહિને 3000 રૂપિયાનું બેરોજગારી ભથ્થું મળશે
• દૂધ ઉત્પાદકોને પ્રતિ લિટર 5 રૂપિયાની સબસિડી, 500 રૂપિયામાં ગેસ સિલિન્ડર આપવામાં આવશે.
  જશે
• ગુજરાતમાં 3000 સરકારી અંગ્રેજી માધ્યમની શાળાઓ ખોલવામાં આવશે, જેમાં KG થી PG સુધીની છોકરીઓને મફત શિક્ષણ આપવામાં આવશે.
• 4 લાખનું કોવિડ વળતર આપવામાં આવશે.
• છેલ્લા 27 વર્ષમાં જે ભ્રષ્ટાચાર થયો છે તેની તપાસ થશે, ભ્રષ્ટાચાર વિરોધી કાયદો લાવવામાં આવશે અને દોષિતોને જેલમાં ધકેલી દેવામાં આવશે.
• ગુજરાતમાં જૂની પેન્શન યોજના અમલી
• મનરેગા યોજના જેવી શહેરી રોજગાર ગેરંટી યોજના
• કુપોષણને રોકવા અને ગરીબોને પોષણયુક્ત ખોરાક આપવા માટે ઈન્દિરા મૂળા યોજના અમલમાં મૂકવામાં આવશે.
• પ્રદૂષણ મુક્ત ગુજરાત બનાવીશું બંદરગાહ,ઊર્જા અને ઈન્ફરાસ્ટ્રક્ચર
• બારમાસી બંદરોનો વિકાસ
• લંપીથી મૃત્યુ પામેલ ગૌમાતાના કિસ્સામાં વળતર-સહાય આપવામાં આવશે
• પશુચારો અને ખાણદાણના ભાવ વધારાનું નિયમન કરવામાં આવશે
• જાતિ આધારિત વસતી ગણતરી અને કાયમી અનામત આયોગની રચના
• સંતુલિત ઔદ્યોગિક નીતિમોટેરા સ્ટેડિયમનું નામ ફરી સરદાર વલ્લભભાઈ સ્ટેડિયમ કરાશે
• સ્થાનિક સિરામિક ઉદ્યોગ, એન્જિનિયિંગ ઉદ્યોગ,કાપડ અને હીરા ઉદ્યોગ માટે સ્પેશિયલ ક્લસ્ટર

આ પણ વાંચો: Global meeting against terrorism: અમિત શાહની અધ્યક્ષતામાં 18 નવેમ્બરથી આતંકવાદ વિરુદ્ધ વૈશ્વિક બેઠક