Tokyo Paralympics: કૃષ્ણા નાગરે રચ્યો ઈતિહાસ, બેડમિન્ટનમાં ભારતને અપાવ્યો ગોલ્ડ મેડલ, સુહાસ એલ યથિરાજે જીત્યો સિલ્વર
Tokyo Paralympics: ટોક્યો ગેમ્સમાં ભારતના ખાતામાં હવે 19 મેડલ થઈ ગયા છે. કૃષ્ણાએ ટોક્યો પેરાલિમ્પિક્સમાં 5 મો ગોલ્ડ મેડલ જીત્યો. પ્રમોદ ભગતે શનિવારે જ બેડમિન્ટનમાં ચોથો ગોલ્ડ અપાવ્યું હતું. અગાઉ મનીષ નરવાલ (પુરુષોની 50 મીટર પિસ્તોલ એસએચ 1), અવની લખેરા (મહિલાઓની 10 મીટર એર રાઇફલ એસએચ 1) અને સુમિત એન્ટિલ (મેન્સ જેવેલિન થ્રો એફ 64) ગોલ્ડ મેડલ જીતી ચૂક્યા છે
સ્પોર્ટ્સ ડેસ્ક, 05 સપ્ટેમ્બરઃ Tokyo Paralympics: ભારતીય બેડમિન્ટન ખેલાડી કૃષ્ણા નાગરે ટોક્યો પેરાલિમ્પિક્સમાં શાનદાર પ્રદર્શન કરીને દેશને ગોલ્ડ મેડલ અપાવ્યો છે. રવિવારે તેણે બેન્ડમિન્ટનની પુરુષ સિંગલ્સ SH6 ફાઇનલમાં હોંગકોંગના ચુ મેનને હરાવીને ગોલ્ડ પર કબ્જો કર્યો. આ સાથે જ ટોક્યો પેરાલિમ્પિક્સમાં ભારતે બેડમિન્ટનની રમતમાં આ બીજો ગોલ્ડ મેડલ હાંસલ કરીને એક અનોખો વિક્રમ રચી દીધો છે.
કૃષ્ણા નાગરે ટોક્યો પેરાલિમ્પિક્સમાં બેન્ડમિન્ટનના પુરુષ સિંગલ્સ SH6 ફાઇનલમાં હોંગકોંગના ચુ મેન કાઇને 21-17, 16-21, 21-17થી હરાવ્યો હતો. ક્રિષ્ના નાગરે આ ટાઇટલ મેચ 43 મિનિટમાં જીતી લીધી હતી. આ સાથે, ક્રિષ્ના નાગર પેરાલિમ્પિક બેડમિન્ટન સ્પર્ધામાં ગોલ્ડ જીતનાર પ્રમોદ ભગત પછી બીજા ભારતીય શટલર બની ગયા છે. આ જીત સાથે, નાગરે ચૂ મેન કાઈ સામે તેનો રેકોર્ડ 3-1 પર લઈ ગયો છે. અગાઉ બંને ખેલાડીઓ વચ્ચે ત્રણ મેચ રમાઈ હતી, જેમાંથી બે મેચમાં નગરનો વિજય થયો હતો. તે જ સમયે, એક મેચ ચુ મેન કાઈએ જીતી હતી.
એસએલ કેટેગરીમાં સ્ટેન્ડિંગ ડિસઓર્ડર અથવા નીચા પગની વિકૃતિ ધરાવતા ખેલાડીઓ સ્પર્ધા કરે છે, જ્યારે એસયુમાં, ઉપલા બેક ડિસઓર્ડરવાળા રમતવીરો રમે છે. તે જ સમયે, એસએચ કેટેગરીમાં ભાગ લેનારા ખેલાડીઓ સામાન્ય કરતા ઘણા ટૂંકા હોય છે.
સુહાસે ઈતિહાસ રચ્યો:
ઉત્તર પ્રદેશના નોઈડા જિલ્લાના કલેક્ટર (DM) એ ઈતિહાસ(Tokyo Paralympics) રચી દીધો છે. નોઈડામાં ડિસ્ટ્રીક મેજિસ્ટ્રેટ તરીકે ફરજ બજાવતા Suhas L Yathiraj એ Badminton માં ભારતને Silver Medal અપાવ્યો છે. ઉત્તર પ્રદેશના ગૌતમ બુદ્ધ નગરમાં રહેતા નોઈડાના DM સુહાસ L.Y. (સુહાસ LY) રવિવારે ટોક્યો પેરાલિમ્પિક્સમાં બેડમિન્ટનની રમતમાં શાનદાર પ્રદર્શન કરીને આ સિદ્ધિ હાંસલ કરી છે.
બેડમિન્ટન મેન્સ સિંગલ્સ SL4 ની ફાઇનલ મેચમાં સુહાસ એલ યથિરાજે પ્રથમ ગેમ 21-15થી જીતી હતી, પરંતુ બીજી ગેમમાં ફ્રાન્સના લુકાસ મઝુરે 21-17થી જીત મેળવી હતી, પછી ત્રીજી અને છેલ્લી ગેમમાં યથિરાજ 15-21થી હારી ગયા હતા. જેમાં તે ગોલ્ડ મેડલ જીતવાનું ચૂકી ગયો.
સુહાસ એલ.વાય.એ બેડમિન્ટન(Tokyo Paralympics)ની રમતમાં શાનદાર પ્રદર્શન કરીને દેશ માટે સિલ્વર મેડલ હાંસલ કર્યો છે. તેમણે મેળવેલી આ સિદ્ધિ બદલ પ્રધાનમંત્રી મોદીએ પણ ટ્વીટ કરીને તેમને જીત બદલ શુભેચ્છા પાઠવી છે. પીએમ મોદીએ નોઈડાના કલેક્ટર સુહાસ એલ. યથીરાજ સાથેની પોતાની તસવીર ટ્વીટર પર શેયર કરીને અભિનંદન પાઠવ્યાં છે.
ટોક્યો પેરાલિમ્પિક્સ(Tokyo Paralympics)માં સુહાસ એલ યથિરાજની સફળતાને લઈને ભારતમાં ખુશીનું વાતાવરણ છે.તેની સાથે જ ખાસ કરીને તેમના જિલ્લા ગૌતમ બુદ્ધ નગર (નોઈડા) માં લોકો ઉજવણીમાં ડૂબી ગયા છે. તમને જણાવી દઈએ કે આ પહેલા પણ, DM સુહાસ LY એ પોતાના નામે ઘણા મેડલ જીત્યા છે. બેઇજિંગમાં 2016 એશિયન પેરા બેડમિન્ટન ચેમ્પિયનશિપમાં વ્યાવસાયિક આંતરરાષ્ટ્રીય બેડમિન્ટન ચેમ્પિયનશિપ જીતનાર તેઓ પ્રથમ ભારતીય અમલદાર બન્યા. તે સમયે તેઓ આઝમગgarhના જિલ્લા મેજિસ્ટ્રેટ તરીકે કામ કરતા હતા. તેણે આ ટુર્નામેન્ટમાં ગોલ્ડ મેડલ જીતીને ભારત અને સમગ્ર વિશ્વમાં તેનું નામ રોશન કર્યું.