Junior Mehmood Passed Away: ઝિંદગી સાથે ચાલી રહી જંગ વચ્ચે શું હતી જૂનિયર મહેમૂદની છેલ્લી ઈચ્છા? આવો જાણીએ
Junior Mehmood Passed Away: જુનિયર મહેમૂદનું ગુરુવાર-શુક્રવારની મધ્યરાત્રિએ 2.00 વાગ્યે મુંબઈના ખારમાં તેમના નિવાસ્થાને નિધન થયું
મનોરંજન ડેસ્ક, 08 ડિસેમ્બરઃ Junior Mehmood Passed Away: બોલિવૂડમાં કેટલાક એવા કલાકારો છે જેમની ઈમેજ આજે પણ દર્શકોના મનમાં છવાયેલી છે. આ કલાકારોએ પોતાનું આખું જીવન દર્શકોના મનોરંજન માટે સમર્પિત કર્યું છે. આવા જ એક દિગ્ગજ કલાકાર કોમેડિયન મેહમૂદે ખૂબ જ ખ્યાતિ મેળવી છે.
તેમના જેવા દેખાતા અને જુનિયર મેહમૂદના નામથી જાણીતા નઈમ સૈયદને પણ લોકપ્રિયતા મળી હતી. પોતાના સમયના સૌથી પ્રખ્યાત બાળ કલાકાર જુનિયર મેહમૂદ ઉર્ફે નઈમ સૈયદ હવે આ દુનિયામાં રહ્યા નથી.
જુનિયર મહેમૂદનું ગુરુવાર અને શુક્રવારની મધ્યરાત્રિએ 2.00 વાગ્યે મુંબઈના ખારમાં તેમના નિવાસ્થાને નિધન થયું છે. 67 વર્ષના જુનિયર મહેમૂદ છેલ્લા કેટલાક સમયથી પેટના કેન્સરથી પીડિત હતા, પરંતુ થોડા દિવસો પહેલા જ તેમને આ બીમારી હોવાનું નિદાન થયું હતું.
જુનિયર મેહમૂદ હોસ્પિટલમાં સ્ટેજ 4 કેન્સરની સારવાર લઈ રહ્યા હતા
એક સોશિયલ મીડિયા યુઝરે જુનિયર મહેમૂદનો જુનો ફોટો ટ્વિટર પર શેર કરીને પોતાની ઈચ્છા વ્યક્ત કરી હતી. આ પોસ્ટમાં તેણે કહ્યું, ‘જુનિયર મહેમૂદ હાલમાં હોસ્પિટલમાં સ્ટેજ 4 કેન્સરની સારવાર લઈ રહ્યો છે. તે અભિનેતા જીતેન્દ્ર અને તેના બાળપણના મિત્ર અભિનેતા સચિન પિલગાંવકર બંનેને મળવા માંગે છે. હું આ બંને કલાકારોને નઈમ સૈયદને મળવા વિનંતી કરું છું.
આ ટ્વિટના જવાબમાં સચિન પિલગાંવકરની પુત્રી શ્રીયાએ કહ્યું કે તેના પિતા જુનિયર મહેમૂદના સંપર્કમાં છે અને તેમને મળવા પણ ગયા છે. આ પોસ્ટની જાણ થયા બાદ પીઢ અભિનેતા જિતેન્દ્ર પણ સૈયદને મળ્યા હતા. તેમની મુલાકાતની તસવીરો સોશિયલ મીડિયા પર વાયરલ થઈ રહી છે. જીતેન્દ્રની સાથે એક્ટર જોની લીવરે પણ સૈયદની પૂછપરછ કરી હતી. આમ જુનિયર મેહમૂદની ઈચ્છા પુર્ણ કરવામાં આવી હતી.
આ પણ વાંચો… Garba of Gujarat: ગુજરાતની ઓળખ સમા “ગરબા”ને યુનેસ્કોએ “અમૂર્ત સાંસ્કૃતિક વારસા” તરીકે પસંદ કર્યો
