First Underwater Metro in india
ટોપ સ્ટોરી દેશની ખબર દેશની રેલ

First Underwater Metro in india: પીએમ મોદીએ કર્યુ દેશની પહેલી અંડરવોટર મેટ્રોનું ઉદ્ઘાટન, વડાપ્રધાને બાળકો સાથે કરી મુસાફરી- જુઓ વીડિયો

By Bijal Vyas

First Underwater Metro in india: પીએમ મોદીએ બંગાળને 15400 કરોડ રૂપિયાની ભેટ આપી.

નવી દિલ્હી, 06 માર્ચઃ First Underwater Metro in india: આજે પીએમ મોદીએ કોલકાતા ખાતે દેશની પહેલી અંડરવોટર મેટ્રોનું ઉદ્ઘાટન કર્યું હતું. આ સિવાય પીએમ મોદીએ શિલાન્યાસ અને અન્ય અનેક પ્રોજેક્ટનું ઉદ્ઘાટન પણ કર્યું હતું. એકંદરે પીએમ મોદીએ બંગાળને 15400 કરોડ રૂપિયાની ભેટ આપી. આ દરમિયાન તેમણે બાળકો સાથે તેમાં મુસાફરી પણ કરી હતી. આપને જણાવી દઈએ કે હુગલી નદીની નીચે અંડરવોટર મેટ્રોનું નિર્માણ કરવામાં આવ્યું છે.

આ અંડરવોટર મેટ્રો રેલ નદી અને હાવડાને કોલકાતા શહેર સાથે જોડશે. અંડરવોટર મેટ્રોનું ઉદ્ઘાટન કરવા ઉપરાંત પીએમ મોદીએ કવિ સુભાષ-હેમંત મુખોપાધ્યાય મેટ્રો સેક્શન અને તરતલા-માજેરહાટ મેટ્રો સેક્શનનું પણ ઉદ્ઘાટન કર્યું. આ દરમિયાન વડાપ્રધાન મોદીએ 6 નવી મેટ્રો ટ્રેનને લીલી ઝંડી બતાવી હતી.

આ પણ વાંચોઃ Pen chalk down strike: આજે રાજ્યમાં શિક્ષકો અને કર્મચારીઓનું પેન ડાઉન અને ચોક ડાઉન- જાણો શું છે માંગ?

વડાપ્રધાન નરેન્દ્ર મોદીએ કોલકાતામાં ભારતની પ્રથમ અંડરવોટર મેટ્રો ટ્રેનમાં મુસાફરી કરતી વખતે મેટ્રો કર્મચારીઓ સાથે રાજ્ય ભાજપના અધ્યક્ષ સુકાંત મજુમદાર અને રાજ્ય વિધાનસભામાં વિરોધ પક્ષના નેતા અને ભાજપના ધારાસભ્ય સુવેન્દુ અધિકારી સાથે વાતચીત કરી હતી.

ઉલ્લેખનીય છે કે, હાવડા મેદાન અને એસ્પ્લેનેડ વચ્ચેની ટનલની કુલ લંબાઈ 4.8 કિલોમીટર છે. 1.2 કિમીની ટનલ હુગલી નદીની નીચે 30 મીટર નીચે આવેલી છે, જે તેને કોઈપણ મોટી નદીની નીચે દેશની પ્રથમ પરિવહન ટનલ બનાવે છે. અંડરવોટર મેટ્રોના ફ્લેગ ઓફ સાથે, ભારતમાં નદીની નીચેની પ્રથમ ટનલ ટ્રાફિક માટે ખુલી ગઈ. આ ટનલ પૂર્વ-પશ્ચિમ મેટ્રો કોરિડોર પ્રોજેક્ટનો એક ભાગ છે.