આ દેવભૂમિ પર હિંદુ બહુમતી ગામમાં રહેતો એક માત્ર મુસ્લિમ વ્યક્તિ(Hafiz Azeem Uddin) પ્રધાન તરીકે ચૂંટાયો- વાંચો સપૂર્ણ અહેવાલ
અયોધ્યા,11 મેઃ ઉત્તર પ્રદેશમાં પંચાયતની ચૂંટણીના પરિણામો આવી ગયા છે. તેમાં ઉત્તર પ્રદેશના ફૈઝાબાદ જિલ્લાના રાજનપુર ગામમાં મુસ્લિમ પ્રધાને(Hafiz Azeem Uddin) વિજય મેળવ્યો છે. ગામની ઓળખ હિંદુ બહુમતી મતદાતા તરીકે થાય છે. રાજનપુર ગામ હિન્દુ પ્રભુત્વ ધરાવતા વિસ્તારમાં પ્રધાનપદ જીતીને હાફિઝ અઝીમ ઉદ્દીને સાબિત કર્યું છે કે રાજનપુર ગામમાં હિન્દુ મુસ્લિમ એકતા જળવાઈ રહી છે. બહુમતી લોકો લઘુમતી વ્યક્તિને તેમના પ્રતિનિધિ તરીકે પણ પસંદ કરી શકે છે.
ચૂંટણી લડનાર ઘણા હિન્દુ ઉમેદવારો પણ પ્રધાનની ચૂંટણી લડી રહ્યા હતા, પરંતુ હિન્દુઓએ તેમના પ્રતિનિધિ તરીકે મુસ્લિમ વ્યક્તિને પસંદ કર્યો છે. હવે આ ગામની ચર્ચા આખા જિલ્લામાં થઈ રહી છે. હાફિઝ અઝીમુદ્દીન(Hafiz Azeem Uddin) રાજનપુરમાં તેના પરિવાર સાથે એકલો રહે છે. રાજનપુર ગામમાં આ પરિવાર એકમાત્ર મુસ્લિમ પરિવાર છે. હિંમતથી હાફિઝ અઝીમુદ્દીને પ્રધાનનું ફોર્મ ભર્યું હતું અને તેમને અપેક્ષા પણ નહોતી કે હિન્દુ લોકો તેમને ગામમાં તેમના પ્રતિનિધિ તરીકે પસંદ કરશે.
એક તરફ જ્યાં હિન્દુ-મુસ્લિમ તિરસ્કારના તણખા ઊડે છે, ત્યાં રાજનપુર ગામના લોકોએ નફરતભર્યા લોકોને જવાબદાર જવાબ આપ્યો છે. ઉલ્લેખનીય છે કે કોરોનાના વધતા જતા સંક્રમણને કારણે ગ્રામ પંચાયતની રચના અને ગામના પ્રધાન(Hafiz Azeem Uddin) અને વિસ્તાર પંચાયત સભ્યોની શપથ મુલતવી રાખવામાં આવી છે.
આ પણ વાંચો…..
8 મહાનગરો અને 36 શહેરોમાં રાત્રિ કરફ્યૂ(night curfew)ની મુદ્દત આજે પૂર્ણ- વાંચો વિગતે માહિતી