India weather update: આજથી દેશના મોટાભાગના રાજ્યોમાં તાપમાનમાં ઘટાડો થવાનું હવામાન વિભાગે આપ્યા સંકેત
India weather update: હવામાન વિભાગના અનુસાર પશ્ચિમ રાજસ્થાનમાં આજે પણ ગરમી તેની અસર બતાવશે અને કેટલીક જગ્યાએ તોફાન પણ થશે
નવી દિલ્હી, ૨૦ માર્ચ: India weather update: IMD એ કહ્યું છે કે વર્તમાન લો પ્રેશર એરિયા (LPA) પૂર્વ-ઉત્તર-પશ્ચિમ દિશામાં આગળ વધી રહ્યો છે. 21 માર્ચે તે ચક્રવાતી તોફાનમાં પરિવર્તિત થવાની સંભાવના છે, જે 22 માર્ચે ઉત્તર અને ઉત્તરપૂર્વ તરફ આગળ વધશે. જો આ ચક્રવાત વાવાઝોડાનું રૂપ ધારણ કરશે તો તેનું નામ અસાની રહેશે.
India weather update નિયમો અનુસાર આ ચક્રવાતી તોફાનનું નામ શ્રીલંકાએ આપ્યું છે. હવામાન વિભાગે માછીમારોને આગામી બુધવારે બંગાળની ખાડીના દક્ષિણ ભાગ અને તેની આસપાસના વિસ્તારોમાં અને આગામી ગુરુવાર અને શુક્રવારે દક્ષિણપૂર્વ બંગાળની ખાડી અને આંદામાન સમુદ્રમાં માછીમારી માટે ન જવાની સલાહ આપી છે.
ભારતીય હવામાન વિભાગે કહ્યું છે કે ઉત્તર પશ્ચિમ ભારતમાં આગામી 24 કલાક દરમિયાન તાપમાનમાં 2 ડિગ્રી સેલ્સિયસનો ઘટાડો થવાની સંભાવના છે. આ ઉપરાંત પશ્ચિમ, મધ્ય અને દક્ષિણ ભારતમાં આગામી ત્રણ દિવસ તાપમાનમાં એકથી બે ડિગ્રીનો ઘટાડો થશે. દેશના બાકીના ભાગોમાં તાપમાનમાં કોઈ ફેરફાર થશે નહીં. IMD અનુસાર આજથી દેશના મોટાભાગના ભાગોમાં તાપમાનમાં ઘટાડો થવાના સંકેતો છે.
આ પણ વાંચો: MOU Between suzuki motors and gujarat government: સુઝુકી મોટર્સ અને ગુજરાત સરકાર વચ્ચે 10 હજાર કરોડના MoU
India weather update: હવામાન વિભાગના અનુસાર પશ્ચિમ રાજસ્થાનમાં આજે પણ ગરમી તેની અસર બતાવશે અને કેટલીક જગ્યાએ તોફાન પણ થશે. 20 માર્ચે પશ્ચિમ રાજસ્થાન અને ગુજરાતના કેટલાક વિસ્તારોમાં ગરમીની લહેર પ્રવર્તશે. જો કે બંગાળની ખાડીમાં સર્જાયેલા લો પ્રેશરને કારણે આવતીકાલથી લગભગ સમગ્ર ભારતમાં ગરમી પડવાની આગાહી કરવામાં આવી છે. પરંતુ વિદર્ભના કેટલાક ભાગોમાં આગામી 3 દિવસ અને પશ્ચિમ મધ્ય પ્રદેશમાં આગામી 4 દિવસ સુધી હીટ વેવની શક્યતા છે.
ભારતીય હવામાન વિભાગે આજે પણ રાજસ્થાન અને ગુજરાતના કેટલાક વિસ્તારોમાં હીટ વેવની સ્થિતિની આગાહી કરી છે. પરંતુ આગામી 24 કલાકમાં તાપમાનમાં ઘટાડો થવાના સંકેતો વ્યક્ત કરવામાં આવ્યા છે. બીજી તરફ બંગાળની ખાડીમાં અસ્ની વાવાઝોડાનો પડછાયો યથાવત છે. બંગાળની ખાડીમાં લો પ્રેશરનું ક્ષેત્ર વધી રહ્યું છે, જે 22 માર્ચે મજબૂત થવાની સંભાવના છે. માછીમારોને દરિયો ન ખેડવાની સૂચના આપવામાં આવી છે. પશ્ચિમ હિમાલયના રાજ્યોમાં પણ તાપમાનમાં વધારો થયો છે પરંતુ આજે હળવા વરસાદની શક્યતા છે.
