Modi Cabinet Extends PMGKAY Scheme: મોદી સરકારની ગરીબોને મોટી ભેટ, મફત અનાજ યોજના આટલા વર્ષ માટે લંબાવવામાં આવી

Modi Cabinet Extends PMGKAY Scheme: મફત અનાજ યોજનાને પાંચ વર્ષ સુધી લંબાવવાનો નિર્ણય લેવામાં આવ્યો: કેન્દ્રીય મંત્રી અનુરાગ ઠાકુર

નવી દિલ્હી, 29 નવેમ્બરઃ Modi Cabinet Extends PMGKAY Scheme: કેન્દ્રની મફત અનાજ યોજનાને 5 વર્ષ માટે લંબાવવામાં આવી છે, તેનાથી લગભગ 81 કરોડ લોકોને ફાયદો થશે. કેન્દ્રીય મંત્રી અનુરાગ ઠાકુરે આજે કેબિનેટ પ્રેસ કોન્ફરન્સમાં આ માહિતી આપી હતી. તેમણે કહ્યું કે, મફત અનાજ યોજનાને પાંચ વર્ષ સુધી લંબાવવાનો નિર્ણય લેવામાં આવ્યો છે. લગભગ 81 કરોડ લોકોને લાભ મળશે. તે જ સમયે, આ કામમાં લગભગ 11.80 લાખ કરોડ રૂપિયાનો ખર્ચ થશે.

15,000 મહિલા સ્વ-સહાય જૂથોને ડ્રોન

કેન્દ્રીય કેબિનેટે બે વર્ષ માટે 15,000 મહિલા સ્વ-સહાય જૂથોને ડ્રોન પ્રદાન કરવાની કેન્દ્રીય યોજનાને મંજૂરી આપી છે. આ પ્રોજેક્ટનો ખર્ચ 1,261 કરોડ રૂપિયા હશે. માહિતી અને પ્રસારણ મંત્રી અનુરાગ ઠાકુરે બુધવારે પત્રકારોને જણાવ્યું હતું કે મંગળવારે વડાપ્રધાન નરેન્દ્ર મોદીની અધ્યક્ષતામાં મળેલી કેબિનેટની બેઠકમાં આ અંગેનો નિર્ણય લેવામાં આવ્યો હતો.

દર વર્ષે ઓછામાં ઓછી 1,00,000 રૂપિયાની વધારાની આવક

કેન્દ્રીય મંત્રીએ વધુમાં જણાવ્યું હતું કે, યોજનાનો ઉદ્દેશ્ય 2024-25 થી 2025-2026 દરમિયાન ખેડૂતોને કૃષિ હેતુઓ માટે ભાડાકીય સેવાઓ પ્રદાન કરવા માટે પસંદ કરેલ 15,000 મહિલા સ્વસહાય જૂથોને ડ્રોન પ્રદાન કરવાનો છે. આનાથી 15,000 સ્વસહાય જૂથોને ટકાઉ વ્યવસાય અને આજીવિકા સહાય પૂરી પાડવામાં આવશે. આ સાથે તેઓ દર વર્ષે ઓછામાં ઓછી 1,00,000 રૂપિયાની વધારાની આવક મેળવી શકશે.

વડાપ્રધાન મોદીએ 15 ઓગસ્ટના રોજ તેમના સ્વતંત્રતા દિવસના ભાષણમાં ડ્રોન ટેક્નોલોજી વડે SHGને સશક્ત કરવાની લાલ કિલ્લા પરથી જાહેરાત કરી હતી.

આ પણ વાંચો… Food Poisoning Case in Train: ટ્રેનમાં ફૂડ પોઈઝનિંગનો કિસ્સો, આટલા લોકો થયા હોસ્પિટલમાં દાખલ

દેશ કી આવજના સમાચાર ફેસબુક પર મેળવવા માટે ફેસબુક પેજ લાઈક કરો