Parliament Security: સંસદની સુરક્ષામાં ક્ષતિ, લોકસભાની કાર્યવાહી દરમિયાન બે લોકો સંસદમાં ઘૂસ્યા
Parliament Security: સાંસદોએ બંનેને પકડીને સુરક્ષાકર્મીઓને હવાલે કર્યા
નવી દિલ્હી, 13 ડિસેમ્બરઃ Parliament Security: સંસદની સુરક્ષામાં મોટી ખામીનો મામલો સામે આવ્યો છે. વાસ્તવમાં, લોકસભાની કાર્યવાહી દરમિયાન બે અજાણ્યા શખ્સો અચાનક ગૃહમાં ઘૂસી ગયા હતા. કહેવામાં આવી રહ્યું છે કે આ બંને વ્યક્તિઓ ઓડિયન્સ ગેલેરીમાંથી કૂદી પડ્યા હતા. સાંસદોએ બંનેને પકડીને સુરક્ષાકર્મીઓને હવાલે કર્યા હતા.
આ ઘટના પર કોંગ્રેસ સાંસદ અધીર રંજન ચૌધરીએ કહ્યું કે બે યુવકો પ્રેક્ષક ગેલેરીમાંથી કૂદ્યા અને તેમના દ્વારા કંઈક ફેંકવામાં આવ્યું, જેના કારણે ગેસ નીકળી રહ્યો હતો. સાંસદોએ તેને પકડી લીધો અને સુરક્ષાકર્મીઓ તેને બહાર લઈ ગયા.
અધીર રંજને વધુમાં જણાવ્યું હતું કે, આ ચોક્કસપણે સુરક્ષા ભંગ છે કારણ કે આજે આપણે 2001માં બલિદાન આપનારા લોકોની પુણ્યતિથિની ઉજવણી કરી રહ્યા છીએ.
આ પણ વાંચો… Railway Breaking News: વેરાવળ-ઈન્દોર મહામના એક્સપ્રેસ ટ્રેન રદ