Wrestlers protest in delhi: મહિલા રેસલર્સની અરજી પર સુપ્રીમ કોર્ટે તરત જ હસ્તક્ષેપ કર્યો, વાંચો વિગતે…
Wrestlers protest in delhi: દિલ્હી પોલીસને નોટિસ જારી કરીને જવાબ માંગ્યો, 28 એપ્રિલે સુનાવણી
નવી દિલ્હી, 25 એપ્રિલઃ Wrestlers protest in delhi: દિલ્હીના જંતર-મંતર પર વિરોધ પ્રદર્શન પર બેઠેલી મહિલા કુસ્તીબાજોના મામલામાં સુપ્રીમ કોર્ટે દિલ્હી પોલીસને નોટિસ પાઠવી જવાબ માંગ્યો છે. ભારતના મુખ્ય ન્યાયાધીશ ડી વાય ચંદ્રચુડે કહ્યું કે આંતરરાષ્ટ્રીય રમતગમતમાં ભારતનું પ્રતિનિધિત્વ કરતા કુસ્તીબાજોએ અરજીમાં જાતીય સતામણીનો ગંભીર આરોપ લગાવ્યો છે. આ બાબતને કોર્ટે ધ્યાનમાં લેવાની જરૂર છે.
કપિલ સિબ્બલે સુપ્રીમ કોર્ટ પાસે આ મામલે વહેલી સુનાવણીની માંગ કરી છે. મુખ્ય ન્યાયાધીશ ડી વાય ચંદ્રચુડે આના પર પૂછ્યું કે અરજી શું છે, પક્ષકારો કોણ છે અને શું માંગણીઓ છે. સિબ્બલે સુપ્રીમ કોર્ટમાં જણાવ્યું કે સાત મહિલા કુસ્તીબાજોએ અરજી આપી છે.
ફર્સ્ટ ઈન્ફોર્મેશન રિપોર્ટ (એફઆઈઆર) નોંધવામાં આવી રહી નથી અને એફઆઈઆરની નોંધણી માટે અરજી કરવામાં આવી છે. સુપ્રીમ કોર્ટે કહ્યું કે આરોપો ગંભીર છે અને તેના પર વિચાર કરવાની જરૂર છે. મહિલા રેસલર્સની અરજી પર સુપ્રીમ કોર્ટ 28 એપ્રિલે સુનાવણી કરશે.
સોમવારે વિરોધ કરી રહેલા કુસ્તીબાજોએ ધમકી આપી હતી કે જો રેસલિંગ ફેડરેશન ઓફ ઈન્ડિયા (WFI)ના પ્રમુખ બ્રિજ ભૂષણ શરણ સિંહ વિરુદ્ધ FIR નોંધવામાં નહીં આવે તો તેઓ સુપ્રીમ કોર્ટમાં જશે. જ્યારે રમતગમત મંત્રાલયે 7 મેના રોજ યોજાનારી ફેડરેશનની ચૂંટણી પર રોક લગાવી દીધી હતી.
નોંધનીય છે કે 23 જાન્યુઆરીના રોજ સરકારે WFI પ્રમુખ વિરુદ્ધ યૌન ઉત્પીડન અને ધમકીના મામલાની તપાસ માટે છ સભ્યોની સમિતિની રચના કરી હતી. સમિતિએ 5 એપ્રિલે પોતાનો તપાસ અહેવાલ સુપરત કર્યો હતો પરંતુ સરકારે હજુ સુધી તેને જાહેર કર્યો નથી.
આ પણ વાંચો… Good news for policy holders of LIC: LICની પોલિસી ધરાવતા લોકો માટે સારા સમાચાર, વાંચો વિગતે…
