Protein for Vegetarian: જો તમે શાકાહારી છો, તો રોજ ખાઓ પ્રોટીનથી ભરપૂર આ ખોરાક, નહીં થાય પ્રોટીનની ઉણપ

હેલ્થ ડેસ્ક, ૦૭ નવેમ્બર: Protein for Vegetarian: પ્રોટીન એ શરીર માટે જરૂરી તત્વોમાંનું એક છે. પ્રોટીન શરીરમાં સ્નાયુઓ બનાવવાનું કામ કરે છે. પ્રોટીન આપણને પેટ ભરેલા નો અનુભવ કરાવે છે, જેના કારણે આપણું વજન પણ નિયંત્રણમાં રહે છે. જે લોકો બોડી બિલ્ડિંગ કરે છે તેમને વધુ પ્રોટીન (પ્રોટીન રિચ વેજીટેરિયન ફૂડ)ની જરૂર હોય છે. પરંતુ સમસ્યા ત્યારે ઊભી થાય છે જ્યારે તમે શાકાહારી હોવ અને તમને પનીર સિવાય અન્ય કોઈ પ્રોટીન સ્ત્રોત વિશે ખબર ન હોય.

તો ચાલો તમને જણાવી દઈએ કે પ્રોટીન માત્ર ઈંડા, માછલી અને માંસ જેવા પ્રાણીઓના ઉત્પાદનોમાં જ નહીં, પરંતુ શાકાહારી ખોરાકમાં પણ વધુ જોવા મળે છે. આવા ઘણા શાકાહારી ખોરાક છે. જેમાં પ્રોટીન ભરપૂર માત્રામાં જોવા મળે છે. તો ચાલો અમે તમને આવા જ પ્રોટીનના શાકાહારી સ્ત્રોતો જણાવીએ, જેને તમે તમારા આહારમાં સામેલ કરી શકો છો.   

પનીર: (Protein for Vegetarian) શાકાહારીઓ માટે પનીર પ્રોટીનનો સારો સ્ત્રોત બની શકે છે. પનીર માં પ્રોટીનનું જૈવિક મૂલ્ય 80-86% છે. ઉપરાંત, પનીરમાં તમામ આવશ્યક એમિનો એસિડ હોય છે. 40 ગ્રામ પનીરમાં 7.54 ગ્રામ પ્રોટીન હોય છે, જેને તમે તમારા આહારમાં સામેલ કરી શકો છો.

ચિયા બીજ: ચિયા બીજ પણ પ્રોટીનનો સારો સ્ત્રોત છે. ચિયા બીજનો ઉપયોગ મોટાભાગે જામ અને પુડિંગ્સમાં થાય છે. શાકાહારીઓ માટે આ એક સારો વિકલ્પ હોઈ શકે છે.

ટોફુ: ટોફુ પણ પ્રોટીનનો સારો સ્ત્રોત છે. જેને શાકાહારી આહારમાં સામેલ કરી શકાય છે. ટોફુ સોયાબીનમાંથી બનાવવામાં આવે છે, જે શ્રેષ્ઠ વનસ્પતિ આધારિત પ્રોટીન સ્ત્રોતોમાંથી એક માનવામાં આવે છે.

સોયા: સોયાને પ્રોટીનનો સારો સ્ત્રોત માનવામાં આવે છે. સોયા પ્રોટીનથી ભરપૂર હોય છે અને તેમાં કેલ્શિયમ, આયર્ન અને મેગ્નેશિયમ જેવા પોષક તત્વો સારા પ્રમાણમાં હોય છે, જે વજન ઘટાડવામાં મદદ કરી શકે છે.

ક્વિનોઆ: ક્વિનોઆમાં મેગ્નેશિયમ, આયર્ન, ફાઈબર અને ઝિંક ભરપૂર માત્રામાં હોય છે. આહારમાં ક્વિનોઆનો સમાવેશ કરીને, તમે પ્રોટીનની ઉણપને દૂર કરી શકો છો. એટલું જ નહીં તે વજન ઘટાડવામાં પણ મદદરૂપ થઈ શકે છે.

આ પણ વાંચો…Tomato juice: હાઈ બ્લડ પ્રેશરનો રામબાણ ઈલાજ છે એક ગ્લાસ આ જ્યુસ, જાણો તેના ફાયદા વિશે