Drugs Seized in Porbandar Sea: પોરબંદરના દરિયામાંથી ફરી રૂ. 480 કરોડનું ડ્રગ્સ ઝડપાયું, ATSએ બોટ સાથે છ પાકિસ્તાનીની કરી ધરપકડ
Drugs Seized in Porbandar Sea: પોરબંદરથી અરબી સમુદ્રમાં લગભગ 350 કિમી દૂર બોટને પકડવામાં આવી
પોરબંદર, 12 માર્ચઃ Drugs Seized in Porbandar Sea: ગુજરાતના દરિયા કિનારેથી ફરી એકવાર ડ્રગ્સનો જથ્થો ઝડપાયો છે. ગુજરાત એટીએસ, કોસ્ટ ગાર્ડ અને એનસીબીના સંયુક્ત ઓપરેશનમાં પાકિસ્તાનથી આવેલી બોટમાંથી ડ્રગ્સનો મોટો જથ્થા સાથે છ લોકોની ધરપકડ કરવામાં આવી છે. અહેવાલ અનુસાર, ઝડપાયેલા ડ્રગ્સની કિંમત આશરે રૂપિયા 480 કરોડ છે. પોરબંદરથી અરબી સમુદ્રમાં લગભગ 350 કિમી દૂર બોટને પકડવામાં આવી હતી.
આ પણ વાંચોઃ Holashtak 2024: આ તારીખથી થશે હોળાષ્ટકનો પ્રારંભ, આ દિવસોમાં ના કરો કોઇપણ શુભ કાર્ય
અહેવાલો અનુસાર, બાતમીને આધારે એટીએસ,કોસ્ટ ગાર્ડ અને એનસીબીએ સંયુક્ત ઓપરેશનમાં નાર્કોટિક્સ ડ્રગ્સ ઝડપી પાડ્યું છે. પાકિસ્તાનથી આ ડ્રગ્સ ગુજરાતમાં લાવવામાં આવી રહ્યું હતું. એટીએસની ટીમે ઝપાયેલા તમામ પાકિસ્તાનીઓને અમદાવાદ લાવવાની તૈયારી હાથ ધરી છે.
