Balochistan Bomb Blast: પાકિસ્તાનમાં મસ્જિદ પાસે થયો આત્મઘાતી હુમલો, આટલા લોકોના થયા મોત…
- ઘટના ત્યારે બની જ્યારે લોકો ઈદ મિલાદ-ઉન-નબીના અવસર પર એક જુલુસમાં ભાગ લેવા માટે એકઠા થઈ રહ્યા હતા
Balochistan Bomb Blast: બલુચિસ્તાન પ્રાંતમાં થયેલા બ્લાસ્ટમાં 52 લોકોના મોત થયા
નવી દિલ્હી, 29 સપ્ટેમ્બરઃ Balochistan Bomb Blast: પાકિસ્તાનમાં મોટો વિસ્ફોટ થયો છે. અહીં બલુચિસ્તાન પ્રાંતમાં થયેલા બ્લાસ્ટમાં 52 લોકોના મોત થયા છે. મૃત્યુ પામેલા લોકોમાં પોલીસ દળના કેટલાક લોકો પણ સામેલ છે. અન્ય ઘણા લોકો ઘાયલ થયા છે. પાકિસ્તાની અખબાર ડોન દ્વારા આ માહિતી આપવામાં આવી છે.
મસ્તુંગના આસિસ્ટન્ટ કમિશનર અતાહુલ મુનીમે જણાવ્યું છે કે, બલૂચિસ્તાનના મસ્તુંગમાં અલ ફલાહ રોડ પર સ્થિત મદીના મસ્જિદ પાસે વિસ્ફોટ થયો છે. આ ઘટના ત્યારે બની જ્યારે લોકો ઈદ મિલાદ-ઉન-નબીના અવસર પર એક જુલુસમાં ભાગ લેવા માટે એકઠા થઈ રહ્યા હતા.
સિટી સ્ટેશન હાઉસ ઓફિસર મોહમ્મદ જાવેદ લેહરીએ જણાવ્યું છે કે વિસ્ફોટમાં એક પોલીસ અધિકારીનું પણ મોત થયું છે. તેમણે જણાવ્યું કે વિસ્ફોટ આત્મઘાતી વિસ્ફોટ હતો, જે ડીએસપી ગિસૌરીની કાર પાસે વિસ્ફોટ થયો હતો.
બલૂચિસ્તાનના વચગાળાના માહિતી મંત્રી જાન અચકઝાઈએ કહ્યું કે, એક બચાવ ટીમને મસ્તુંગ મોકલવામાં આવી છે. તેમણે કહ્યું કે ગંભીર રીતે ઘાયલ લોકોને ક્વેટા લઈ જવામાં આવી રહ્યા છે અને તમામ હોસ્પિટલોમાં ઈમરજન્સી લાદી દેવામાં આવી છે.
આ વિસ્ફોટની જવાબદારી કોઈએ લીધી નથી
અત્યાર સુધી આ વિસ્ફોટની જવાબદારી કોઈએ લીધી નથી. પાકિસ્તાની તાલિબાન (TTP) એ એક નિવેદનમાં તેની સંડોવણીનો ઇનકાર કર્યો છે. ઇસ્લામિક સ્ટેટના પાકિસ્તાન પ્રકરણે મસ્તુંગમાં છેલ્લા મોટા બોમ્બ વિસ્ફોટની જવાબદારી લીધી હતી.
વિસ્ફોટ પછી સામે આવેલી ઘણી તસવીરો અને વીડિયોમાં લોહીથી લથપથ લાશો દેખાય છે. બલૂચિસ્તાનના વચગાળાના માહિતી મંત્રી જાન અચકઝાઈએ કહ્યું કે, એક બચાવ ટીમને મસ્તુંગ મોકલવામાં આવી છે. તેમણે કહ્યું કે ગંભીર રીતે ઘાયલ લોકોને ક્વેટા ખસેડવામાં આવી રહ્યા છે અને તમામ હોસ્પિટલોમાં ઈમરજન્સી લાદવામાં આવી છે. દરમિયાન, વચગાળાના ગૃહ પ્રધાન સરફરાઝ અહેમદ બુગતીએ વિસ્ફોટની સખત નિંદા કરી છે અને જાનહાનિ પર શોક વ્યક્ત કર્યો છે.
આ પણ વાંચો…. Nitin Gadkari Statement: હવે કચરાનો ઉપયોગ સરકાર આ કામમાં કરશે, નીતિન ગડકરીએ આપી મોટી માહિતી…
