Sonia gandhi: સોનિયા ગાંધી દેશની માફી માંગે: સ્મૃતિ ઈરાની
Sonia gandhi: રાષ્ટ્રપતિ વિરુદ્ધ કોંગ્રેસ નેતાનાં નિવેદનથી ગૃહમાં હોબાળો, ભાજપે કહ્યું- સોનિયા ગાંધી દેશની માફી માંગે: સ્મૃતિ ઈરાની
નવી દિલ્હી, 28 જુલાઈ: Sonia gandhi: કોંગ્રેસ નેતા અધિર રંજન ચૌધરીએ રાષ્ટ્રપતિ દ્રૌપદી મુર્મુ પર અભદ્ર ટિપ્પણી કરી છે. તેઓએ રાષ્ટ્રપતિ માટે ‘રાષ્ટ્રીય પત્ની’ શબ્દનો ઉપયોગ કર્યો હતો. જેના પગલે ભાજપનાં નેતાઓ રોષે ભરાયા છે. દેશના પ્રથમ મહિલા આદિવાસી પ્રમુખ દ્રૌપદી મુર્મુ પર કોંગ્રેસના સાંસદ અધીર રંજન દ્વારા કરવામાં આવેલી અભદ્ર ટિપ્પણીને ભાજપના નેતા અને કેન્દ્રીય મંત્રી સ્મૃતિ ઈરાનીએ તેને દેશનું અપમાન ગણાવ્યું છે.
તેમજ કોંગ્રેસ અને સોનિયા ગાંધી પાસે માફીની માંગ કરી છે. આ મામલે સાંસદમાં ભારે હોબાળા બાદ ગૃહની કાર્યવાહી બપોરે 12 વાગ્યા સુધી સ્થગિત કરી દેવામાં આવી હતી. ભાજપના નેતાઓએ આજે રાષ્ટ્રપતિ દ્રૌપદી મુર્મુ પર કોંગ્રેસના સાંસદ અધીર રંજનની અભદ્ર ટિપ્પણી સામે કોંગ્રેસ પક્ષ તેમજ સોનિયા ગાંધીની લોકસભામાં માફી માંગવાની માંગ કરી છે. બીજેપી નેતા સ્મૃતિ ઈરાનીએ કહ્યું કે સોનિયા ગાંધી, તમે દ્રૌપદી મુર્મુનાં અપમાન મંજૂરી આપી છે. સોનિયાજીએ સર્વોચ્ચ બંધારણીય પદ પર મહિલાનું અપમાન કરવાની મંજૂરી આપી.
આ પણ વાંચો..The Taliban appealed to Hindus and Sikhs: તાલિબાને હિંદુ અને શીખોને અફધાનીસ્તાન પરત ફરવાની કરી અપીલ
ભારે હોબાળા બાદ ગૃહની કાર્યવાહી બપોરે 12 વાગ્યા સુધી સ્થગિત કરી દેવામાં આવી હતી.
માફી માંગવાનો સવાલ જ નથી. મેં ભૂલથી આ શબ્દ વાપર્યો હતો: અધીર રંજન ચૌધરી.
સ્મૃતિ ઈરાનીએ કહ્યું કે સોનિયા જીની અધ્યક્ષતામાં કોંગ્રેસે આ સંસ્કાર અને નકામું અને બંધારણને નુકસાન પહોંચાડ્યું છે. સંસદમાં અને રસ્તા પર કોંગ્રેસ અને તેમના નેતાઓએ દેશના પ્રથમ નાગરિક રાષ્ટ્રપતિ દ્રૌપદી મુર્મુજી અને દેશની માફી માંગવી જોઈએ. સ્મૃતિ ઈરાનીએ કહ્યું કે દેશ અને દુનિયા જાણે છે કે કોંગ્રેસ આદિવાસી વિરોધી, ગરીબ વિરોધી અને મહિલા વિરોધી છે.
પરંતુ કોંગ્રેસનું પતન એ હદે થયું કે દેશના સર્વોચ્ચ બંધારણીય હોદ્દા પર બેઠેલી આદિવાસી અને ગરીબ પરિવારની મહિલાનો આટલો અનાદર, તેની ગરિમા પર પ્રહાર છે. કોંગ્રેસના સાંસદ અધીર રંજન ચૌધરીએ કહ્યું કે માફી માંગવાનો સવાલ જ નથી. મેં ભૂલથી આ શબ્દ વાપર્યો હતો.
