CBSE Term 1 Exam: આ તારીખથી શરૂ થશે 10મા, 12માં ના મુખ્ય વિષયોની પરીક્ષા, જાણો જરૂરી ગાઇડલાઇન્સ

CBSE Term 1 Exam: CBSE હાલમાં માઇનોર વિષયોની પરીક્ષાઓ લઈ રહી છે. આ પહેલીવાર છે જ્યારે CBSE બોર્ડની પરીક્ષાઓ બે ટર્મમાં અને મલ્ટીપલ ચોઈસ કવેશચન (MCQ) ફોર્મેટમાં આયોજિત કરી રહ્યું છે

નવી દિલ્હી, 26 નવેમ્બરઃ CBSE Term 1 Exam: સેન્ટ્રલ બોર્ડ ઑફ સેકન્ડરી એજ્યુકેશન (CBSE) 30 નવેમ્બરથી 11 ડિસેમ્બર સુધી ધોરણ 10 માટે મેજર વિષયોની પરીક્ષાનું આયોજન કરશે. તે જ સમયે, ધોરણ 12 ના વિદ્યાર્થીઓની પરીક્ષા 1 ડિસેમ્બરથી 22 ડિસેમ્બર દરમિયાન લેવામાં આવશે. CBSE હાલમાં માઇનોર વિષયોની પરીક્ષાઓ લઈ રહી છે. આ પહેલીવાર છે જ્યારે CBSE બોર્ડની પરીક્ષાઓ બે ટર્મમાં અને મલ્ટીપલ ચોઈસ કવેશચન (MCQ) ફોર્મેટમાં આયોજિત કરી રહ્યું છે

આ છે ગાઇડલાઇન્સ– પરીક્ષાના દિવસ માટે મહત્વપૂર્ણ માર્ગદર્શિકા નીચે આપેલ છે, જે વિદ્યાર્થીઓએ અનુસરવાની રહેશે:

• પરીક્ષાનો સમયગાળો 90 મિનિટનો રહેશે. વિદ્યાર્થીઓને પેપર વાંચવા માટે 20 મિનિટનો સમય આપવામાં આવશે.
• OMR શીટ પર જવાબો ભરવા માટે વિદ્યાર્થીઓએ વાદળી અથવા કાળી બોલ પોઈન્ટ પેન સાથે રાખવાની જરૂર રહેશે છે. પેન્સિલનો ઉપયોગ અનુચિત સાધનોના ઉપયોગ તરીકે ગણવામાં આવશે
• પરીક્ષા કેન્દ્રમાં પ્રતિબંધિત વસ્તુઓમાં મોબાઈલ ફોન, ઈલેક્ટ્રોનિક ઉપકરણો, હેડફોન અને અન્ય ઈલેક્ટ્રોનિક ગેજેટ્સનો સમાવેશ થાય છે.
• ઉમેદવારોએ પોતાના માસ્ક અને હેન્ડ સેનિટાઈઝર પરીક્ષા ખંડમાં સાથે લઈ જવાના રહેશે.

આ પણ વાંચોઃ Girls are more than boys in India: ભારતમાં પહેલી વખત છોકરાઓની સંખ્યા છોકરાઓ કરતા વધુ- વાંચો વિગત

• વિદ્યાર્થીઓએ પરીક્ષા કેન્દ્ર પર તમામ સૂચનાઓ અને SOPsનું પાલન કરવાનું રહેશે.
• પરીક્ષા કેન્દ્રોમાં પ્રવેશ માટે CBSE હોલ ટિકિટ જરૂરી છે. વિદ્યાર્થીઓ ટર્મ 1 રોલ નંબર cbse.gov.in પર જોઈ શકે છે. CBSE ટર્મ 1 એડમિટ કાર્ડ ડાઉનલોડ કરવા માટે વિદ્યાર્થીઓએ તેમના યુઝર આઈડી અને પાસવર્ડનો ઉપયોગ કરવાની જરૂર પડશે.
• 23 ડિસેમ્બર સુધી શાળાઓમાં પ્રેક્ટિકલ પરીક્ષાઓ યોજાશે. વ્યવહારિક મૂલ્યાંકન માટે કોઈ બહારના પરીક્ષક હશે નહીં અને શાળાઓ સંબંધિત શાળાના શિક્ષક સાથે પરીક્ષાનું સંચાલન કરશે. જો વિદ્યાર્થીઓને પરીક્ષા સંબંધિત કોઈપણ પ્રકારની માહિતી મળે છે, તો તેઓએ બોર્ડની અધિકૃત વેબસાઈટ પરથી તેની અધિકૃતતા ચકાસવી જોઈએ.